[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
مدري علامه صدري اليوم ضايق=ضايق وأشوف الكون تغشاه ضيقه
يا ليت همّي بس يبعد دقايق=وألا يا ليته بس يبعد دقيقه
على كثر ما الغير يلقى طرايق=عجزت للقى مع همومي طريقه
ودي أعيش العمر في جوّ رايق=ما أحس في داخل خفوقي حريقه
وشلون في قلبي تشب الحرايق =والعين في وسط المدامع غريقه
صرنا أنا والهم مثل الرفايق=كلٍ يقدّر في حياته رفيقه
يهزّني غدر الهوى والعشايق=يوم العشيق يخون حتى عشيقه
لو كل مخلوقٍ لقى وضع لايق=ما كان خاوته الجروح العميقه
الله قسم رزقه ما بين الخلايق=وعلى قضاء ربي تعيش الخليقه
وأنا قويّة رغم كل العوايق=لو المشاعر وسط قلبي رقيقه
أسطّر الأبيات بإبداع فايق=خذيت من جزل القوافي وثيقه
وإن كان صدري طول الأيام ضايق=أضحك ولو بالصدر مليون ضيقه
[/poem]
رد مع اقتباس
