السلام عليكم ورحمة الله وبركاته
مِن يُوم بس صَار عُمرِي 21 :)
وكَانت هذِي
[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
واحد وعشرين عامٍ عشتها مثْل الدهور=واحد وعشرين لاكن كنّها عمرٍ مديد
من تجاريب الزمان ومن صواديف الشرور=شفت حتى شبت بدري وانثنى الوقت السعيد
طاح حلمي من يدين العزم والقلب الجسور=كنت اظنه مايطيح ولي مثِل قلبٍ حديد
خانني قلبي او انّه خانني فيه الغرور=ياعذابي كان باقي للحزن فيني عضيد
ويل حالي كان حظي قاعد يلف ويدور=ولامعي غير الشقا بالجوف والجرح العنيد
لاعزاوي من ورا صوتي تثور ولاظهور=تسند اصغار الاماني في دجى الليل البليد
فقْد اماني والامل والصبْر ذا أقسى شعور=واصعبِ احْسَاسٍ يحسه شخص هو بانه وحيد
لو يصيح امن الالم كنه من اصحاب القبور=البشر مايسمعونه والمواجع به تزيد
يسمع طبول المحافل من ورا ضلوعه عبور=والجروح بوسط صدره حصنها حصنٍ عتيد
ماملك غير الدفاتر والمعاني والسطور=ولا كتب حرفٍ خذاه الدمع عن شوفه بعيد
قاسي اشعور اليتامى يوِووووه ياظلم الشعور=كيف يطعن ناظريني كل عآمٍ لي جديد
وش بقى غير الدموع اللي على خدي تجور=مابقى غير العذاب اللي سكنّي يوم عيد
واحد وعشرين..لما..قالوا بعمر الزهور=قلت آآآآآه ولو دريتم هالزهر كم له شهيد !!
[/poem]
دُمتمْ بسعَاده
رد مع اقتباس
المشاركة الأصلية كتبت بواسطة ( غربة الروح )
(الحزن الرغيد)
