[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
إن قلت أببعد عنه ما أقـدر أخليـه=وإن قلت أبيه اليوم ما أقدر أطولـه
وإن غاب عني رحت أدوّر أراضيه=أروح والخطـوات منّـي عجولـه
افرح لشوفه وإن بعد عنـي أبكيـه=أثبتّ معنى الحـب علـى أصولـه
أغليه من هو غيره القلـب يغليـه=قلبي مسلسل حـاز فيـه البطولـه
يمرني طاريـه وافـرح لطاريـه=واشتاق له وأفزّ لحظـة وصولـه
يمـرّ قدامـي ثوانـي وأراعـيـه= وآخذ معه في عالم الحـب جولـه
معقول ياخذ حـب محـدٍ يوازيـه=وأشوف كلماتـه فحبـي خجولـه
في كل شريـانٍ بجسمـي ألاقيـه= كنّه بنى في داخـل القلـب دولـه
آخذ من ورود الغـلا ورد وأهديـه= وغلاي ما همّـه ولاهـوب حولـه
إمـا تنادينـي عيونـه وأنـاديـه=وألا بـلا حـبٍ تركنـي زعولـه
[/poem]
رد مع اقتباس
