== ياكثر المواقع ياجماعه وكثر الناس ==

[شاعرة نجد]

صح لسانك يـ ابن راجس

جزل وماتجيب الا الجزل طال عمرك

ولاهنت على هـ الكاايفه

تقديري لك’,,

[أميرة القوافي]

لكم كل جديد

[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]


ياكثر المواقع ياجماعه وكثر الناس = وعلى شاعر الابداع يرضي جماهيره
ألا ياإولي ألألباب والفكر والاحساس = لكم مني الابداع معنا بتصويره
يقولون فيه أوصاف تظرب ولاتنقاس = حسب وجهة الشاعر بذوقه وتفكيره
وبصوغ لي عقدِ من أغلا الذهب والماس = وأحب استمع من كل مصدر تقاريره
وش الراي للي في طموحه غلبه الياس = وهو مابقاله في حياته حدِ غيره
مدام العروق اللي تظم الغلا يباس = تبشر وتثبت قبل موته بتعزيره
تحكم به الطاغي ولا ذاق شربة كاس = وخلاه في ديره وهو عنه في ديره
مع إنه عنيدِ للرياسه ولا ينراس = لاكنه تهجر لين طاوع بتهجيره
عليه الهجوس أسداس ويعودِ أخماس = يصير الرشاء بيديه والدلو في بيره
ملاه الغلا واثرالغلا يقطع الانفاس = بيد واحدِ مايعرف الوصل والجيره
لو انه على المله وشرع الوفا لاباس = تهون الامور وجعل في مافعل خيره
لاكن سيرة الظالم تجي فوق كل قياس = عليه الله أكبر كل ضلمِ بتكفيره
قريت الغلا والحب فعيونه النعاس = وجذبني صدى صوتِ يلاحي مزاميره
سقى الله قبل أعساسةِ عسها العساس = ولا مر روض الحب يقطف نواويره
ولاشرف إرجومِ بصدر الشقى جلاس = ولا ضاعة الحيره ولا ادرك مداويره
بعيد المهد اليا انتحى يصعب المرواس = وترى السالفه مهيب لفه وتدويره
وبعيد النظر ياصل ولو دقة الاجراس = مناويه تاخذ من هقاويه وتعيره
يبي يفرح الراوي ولايفرح البلاس = ولو يروي لقصه بضحكه وتكشيره
لأن العضايم والعبر والعباد اجناس = حدِ يبتسم وأحدِ معاااا بسمته غيره
والاسرار تبقى داخل الحبس والحباس = وراع الغلا عذره يصدق معاذيره
مدام الأمل يحي على الحلم والهوجاس = يبي يبطي المملوك مجاه تحريره
[/poem]




وسلامتكم

بعض الأسامي ماورى جدها أوناس
.... تقصر يدين اللي عماها بصيره ..

الأكليلي الألــق شاعري وأستاذي : عبدالله بن راجس

صوووووووووح كلش فديت هالابداع ورأس راعيه

متابـ ع ـ ـتكــ الأميرهـ ــــ

[عبدالله بن راجس]

رائعة تستحق الإعجاب

وعذبة تستحق الإشاده

صح لسانك ياعبدالله .. وداااام الشعر

دمت كما انت مبدع

ساميه



صح بدنك والف شكر لك

[عبدالله بن راجس]

اقتباس:
المشاركة الأصلية كتبت بواسطة (شايع الشايع)

عليه الهجوس أسداس ويعودِ أخمـاس

يصير الرشاء بيديه والدلو فـي بيـره

ملاه الغلا واثرالغـلا يقطـع الانفـاس

بيد واحدِ مايعـرف الوصـل والجيـره

لو انه على المله وشرع الوفـا لابـاس

تهون الامور وجعل في مافعـل خيـره

هذا الراي والتقرير .. اقراها وكني اتقهوى يابو راجس

شكرا على الشعر

تحياتي







شايع الشايع



صح بدنك والف شكر لمرورك

[احمدسبيتان]

عبد الله بن راجس شاعر غني عن التعريف


امتعتنا في كل حرف كتبته في هذا المنتدى اوغيره


انا بقولك كلمه

بدون تعليق على القصيده


دمت للشعر نبراس ياعبدالله

[صهيل الصمت]

عبدالله بن راجس


نص عذب سلم قلبك بلا عدد


ارق واعذب تحية


ودي..

[حب أنثى]

صح لسانك بن راجس