[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياللي تجر الصوت عذب الطواريق=شبيــت في قلـبي لهيـب وحرايـــــق
ماتدري ان الصدر يشكي من الضيق=شكوى السجين اللي بلوه الخلايق
من دونه البيبان سودً مغاليـق=والحــظ عيّــا لايــــقول الحقايــــق
راحت حياته بين محضر وتحقيق=خلاه حـــظه بين مجرم و بايـــق
حالي كما حاله ولا فيه تفريـق=ويسوقني من كثرة الـهم سايـــق
من واحدً بينـي وبينـه مواثيـق=وعزا الله انه مايخون الوثايـــق
لاغاب عني علق الروح تعليق=واحسب حساب الثانيه والدقايـق
وبشوفته للقلب فرحه وتصفيق=والارض تنبت من زهرها حدايق
شفني على فرقاك ياحالي الريق=متعكر جـــوي ولانيـب رايــــق
من وحشتك خيم على صدري الضيق=واليوم قلــــبي من سبايــبك ضـايق
شبكتني شبكة قصير المسابيق=روحي وروحك بالمحبه شقايق
وان قلت صبرك قلت ماقدر ولااطيق=يعـني عـلى فرقــاك مانيب طـايق
[/poem]
رد مع اقتباس
(الحزن الرغيد)
