السلام عليكم ورحمة الله وبركاته
مساكم وصباحكم رضا وسرور
اليوم سلمكم الله القصيده
(شكل تاني ) ^_^
اول مره اجرب اكتب على هالبحر مدري عاد هو بحر ولا نهر ولا وش هو بس المهم انه اذا ماخانتني معلوماتي الضحله بهالمجال ان اسمه المروبع
يعني التجربه الاولى استرو ماواجهتو
اتمنى ان تنال استحسانكم
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
لفتني أجمل حروفه=قصيدة عشق ملهوفه
يشكي لي من ظروفه =وانه عاشق وهيمان
يقول البعد لو طوّل=أحبك أكثر من أوّل
محال قليبي يتحول=ويحلف بالهوى أيمان
أهديته قصيدة شوق=بان اله الغلا مرموق
وانه في خفوقي فوق=ولو هو طول الهجران
أغريته بحبي له=وانا مابيدي حيله
غير ان ضقت اشكي له=واشوفه دايم الكتمان
هنّاني وهنّيته=وسط عيوني خليته
ومن جروحه داويته=وصرت بغيبته شفقان
أشوفه في وجيه الناس=حبيبي الصادق الحساس
مرهف مثل ورد وماس=فديته داعج الاعيان
شخص ٍ بالهوى راقي=ساكن وسط اعماقي
من اجله فاضت اشواقي=عسى الله يروي الضميان
باعيش البعد وجروحي=الين يرد لي روحي
ينوّر عالي صروحي=يبدد عتمة الاحزان
[/poem]
تحيتي للجميع
رد مع اقتباس
(الحزن الرغيد)
