السلام عليكم ورحمة الله وبركاته
أسعد الله أوقاتكم...
للتواصل,إليكم متواضعتي ..وأعتذر عن الغياب
[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
شعري سلامة خاطرك والاحاسيـس=وشفيك طالت غفوتك صار كـم يـوم
قم لاعدمتك عوذ بالله مـن ابليـس=فيض المشاعر ماصحى بك من النوم؟
نزفي أردّه عن بيـاض القراطيـس=ممزوج بين الشوك وازهار يشمـوم
خلطة مشاعر دون فـرز ومقاييـس=لو تندفق في صفحتي صارت عْلـوم
عطني بولّع مـن جديـدك فوانيـس=وابدع جديد القاف والقصـد مفهـوم
عطني بفصّل فاخرالحـرف واقيـس=من خاطري ماهوب ملبوس واهـدوم
لاجتني العطلـه تثيـر الهواجيـس=ويثور حزنٍ بين الاضـلاع مـردوم
ماعاد أبي شيلـه ولابـي مراويـس=ودي بجـوٍّ بيـن وديـان وارجـوم
بعيد عن بعض العرب والجواسيـس=واكتب على ماجاز لي وابعد الحـوم
واجـر مـوالٍ يثيـر الاحاسـيـس=تصحى عليه الصم والبكـم وتقـوم
[/poem]
رد مع اقتباس
(الحزن الرغيد)
المشاركة الأصلية كتبت بواسطة فخر أهلها
