[poem=font=",5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
في ليلةٍ ظلماء ولا هي مـن سواليـف الخيـال=شفنا عروس البحر ( جدة ) من مجاريها تمـوت
شفنا السيول الجارفة والوضـع أشبـه باغتيـال=صارت شوارعها تضاهي البحر من زود اليخوت
حقيقـةٍ ماهـي بكذبـة أو تظاهـر وافتـعـال=تدمير شامل .. تابعه كل العرب صورة وصوت
كم عايلة راحت وكـم رجّـال يبكونـه عيـال=كم بيت راح وكم آوادم ما لقت لو ربـع قـوت
ثرواتنـا تهـدر وجـدّة حزنهـا أقـرب مثـال=شعارنا لابد يصبح بعدها : (( لا للسكـوت ))!!
بنحاسب المسـؤول حتـى لا يزيـد الاشتعـال=واللي حصل لأهل العروس اليوم والله ما يفـوت
الحوت يرمى فالبحر مـا عـاد للرأفـة مجـال=عشان لا يطلع لنا مـن بعدهـا مليـون حـوت
ودي ننظف شعبنا مـن فكـر أشبـاه الرجـال=ما همّهم غيـر السياحـة والدراهـم والبشـوت
ونحقـق الأحـلام والأحـلام مـا فيهـا محـال=يصبح وطنّا ثابتٍ مـا هـوب بيـت العنكبـوت
ويبقى السؤال اللـي محيّرنـا ولا بعـده سـؤال=وشلون ( جدة ) يا عرب قدامنا كادت تمـوت ؟!
[/poem]
رد مع اقتباس
