الناعسات الذوابيح
[poem=font=",6,darkblue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
ياام العيون الناعسات الذوابيح=الي هدبها فوق خدك لها في
حجانها قوسً سهمها معا الريح=سهمه يسوق العشق في مطلعه كي
نجلً عتمها يجرح القلب ويريح=دعجاً حورها كن في شوفها غي
من الكسل جفنه على خده يطيح=سلهامها ماله شبيهٍ ولا زي
في عينها بحراً يغرق السوابيح=تطوي قلوب العشق في بحرها طي
انتي دواة الي غدى فكره شحيح=شوفك لفكره ياعيوني ترى ري
مثل السحاب الي بروقه ملاويح=مزنه غناتي ياغناتي عن المي
في شوفتك تنبت على جاله الشيح=ويزهر قصيد الحب يامنوة الحي
كل العذراى عقب عينك مجاريح=انتي قمرهم في سماء ليلهم ضي
ياام العيون الفاتنات الذوابيح=انتي ملاذي من هجير الزمن في[/poem]
رد مع اقتباس
