السلام عليكم ورحمة الله وبركاته
قصيدة اتمنى انها ترتقى الى ذائقتكم الشعرية
[poem=font=",6,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يالله يامن في يديك الهدايه = من ضل عنها في مشيئتك تهديه
يامعتني في شون خلقك عنايه = ويامن بساعات الضرر نلتجي فيه
ياكاشفن مخفيت داخل حشايه = وياعالمن بالكون جهره وخافيه
يارب جنبني طريق الغوايه = واجعل لقلبي نور عنها يقديه
وعذني من الشيطان وادمح خطايه = ياواحدن كل المخاليق تدعيه
من لاهديته ضل حاير وتايه = واللي هديته ماهنا شي يغويه
من بعد ذكرك لي بالامثال غايه = ابحبك امثاله واصخر معانيه
وفي جمة الابداع اورد رشايه = اخذ جزيله والهزل منه اخليه
مثايلن لهل المعرفه وصايه = راع العقل ياهتم فيها تقديه
يالادمي ولكل شين نهايه = لو طال عمرك جرد الايام تطويه
خلك نبيه وخل عندك درايه = اغنم زمانك والحذر تنخدع فيه
وافتح مع الرحمان صفحة بدايه = من قبل عمرك خالق الروح يفنيه
ولا تصير مثل مجمعين الوشايه = اللي ليا قفا حديهم حكو فيه
اقولها والعبد حرن برايه = ماني بملحق من تركها مشاريه[/poem]
رد مع اقتباس
