أمـــك ثــــم أمــــــك بعدين زوجتـــــك !!!

[طالبة قانون]

بصراحة بعض الرجال>>>قلت بعض هاة ....لو تشوفة با البيت كنة اسد طالع ينفخ وداخل ينفخ ...ابو الشباب اعرس من هنا ...وينقلب مو دجاجة الا فرخ من هناك لية ...!!!ام العيال ...والله عيب حريم تمشيك وتقسي قلبك على امك ...حريم ...تخليك تهجرها اسبوع ماتمر عليها...حريم تخليك تستكثر عليها قطعة قماش في العيد...تقول لها نبي نروح عند امي تقولك ملل...واذا فية خير ويقفول ولد رجال خلها تقولة ودني عند امي يقول لا والله ان تتوط بطنة...
ما الوم بعض الامهات لقالت """انا اللي ربيت ولغيري صفيت""وكنا ابو الشباب نسى ان الدنيا دين ....
مشكوووووووووووووووورة على هيك مو ضوع

[نواف الغلا]

[align=center]

حرام عليكم ... يارجال

والله إني أنا وغيري من البنات نعاني ظلمكم

ليش زوجتك ماتجي لأمك على الأقل يوم بالإسبوع؟؟؟؟؟

ليش زوجتك تتكلم بخواتك ؟؟؟؟

ليش زوجتك خلت عيالك يقطعون عمامهم ؟؟؟

اتقوا الله ياخواننا

لا تقعدون تمتدحون أنفسكم

كلكم مقصرين , وراجعوا حساباتكم !!!!

ذكرتينا ياسولار بالمرأة التي عذبها ملك الروم وصاحت : وامعتصماآآآآه . .
الموضوع هادف وجميل ولكن يفتقد صياغه جيده تكون ألبق وأجمل والطف لإستحسان القارئ من الجنسين
بما انك عممتي موضوعك على الرجال واننا كلنا مقصرين فهذه والله نظره قاصرة . . وتفتقد المصداقيه
وانا لا ألومك . . فعلا فيه من هم مقصرين ولكن نتفاءل بإذن الله انهم قله ولايشكلون 25% من الازواج
وقد تكوني انتي من ضحايا اشباه الرجال من إخوتك ..أو من أقربائك . .
فالسبب في موضوعك المرأة !! فماذا غفلنا هذا الجانب . . اليس المرأة هي أكبر مؤثر على الرجل .. وقد يتشاركون معا
اليست المرأة تأسر الباب الرجال والملوك والقاده والعظماء. . !!
كانوا قديما يرسلون النساء كــسفراء للملوك ليكونوا أكثر تأثيرا واستجابه . .
فأتمنى ان يكون للموضوع جانبا موجها للمتزوجات حديثا بأن يصلو الارحام ..وان يكرموا أزواجهم ببر أهاليهم ..
وأيضا الاخوات . .عليهم ان يتواصلو مع زوجات اخوانهم . . ( تهادوا تحابوا )
اليس هذا هو الصواب . . الان كل الردود صبت جام غضبها على الرجل واصبح الموضوع متنفس لتصفية الحسابات.. لماذا ..؟
لمعلوميتك : انا زوجتي هي من تشجعني على زيارة أهلي كل يوم ..
وهي من يقدم الهدايا لأخواتي وأمي . . وقد طلبت ان اسمي ابني بإسم والدي حفظه الله ..
بالعكس من تربى على الطيب وعلى الوصل والخير لايمكن يغيرة شريك حياته
دعواتي لك . . ولطفا بنا . .
[/align]

[مشجعة الهلال]

الام ثم الام ثم الام ثمم الزوجه

[عهدونه]

يعطيك الف عافيه على الموضوع وبصراحه اقول لاي رجال بالدنيا كان يعامل امه واخواته واخوانه بطريقه غلط عشان ام عيون سود
فأول شئ امك لها حق عليك أكثر من زوجتك ((بنت الناس )) لان امك يابطل هي الي كانت تتعب عليك وتعبت عليك ومازالت تتعب عليك وماراح تلقى أحد زيها تعرف ليه لان الام وحده والزوجه يمديك تأخذ اربع .
ثاني شئ بنت الناس بكره لويصير فيك شئ بتتركك وتروح وتقولك الرجال بعدهم مانقرضوا (( البعض من بنات الناس )) وبعدين والله ماراح يبقى لك إلا أمك واخوانك واخواتك وماينفعك إلا هم .
ثالث شئ انا لاحظ على بعض الشباب قبل لايتزوج مسوي فيها على أخواته ((لا تفتحين النقاب لا تسوين لاتتركين)) ولما تجي أم عيون سود خلاص يصير كل شئ كان ممنوع مسموح ليه عشان أم عيون سود تسوي هالشئ طبعا الأخ بيستحي على وجهه ويسمح لاخواته .
رابعا انتي منت رجال اذا كنت تعامل امك واخواتك واهلك بشكل غلط عشان كحيلة العين افهم انت منت رجال اذا بتسوي هالشئ .
هذه رساله بسيطه كنت حابه كل يقراها ((وجهة نظر )) وفيه شئ بقوله ترا موكل بنات الناس يغيرون الرجال على اهله ويقلبونه فوق تحت بالعكس في بنات تغير من تعامل زوجها مع اهله للاحسن وهذا يدل على خلقها العالي والبيت الي جايه منه وعلى تربية اهلها لها .
في الختام آســـــــــــــــــــــفه على الإطااله . وماننحرمش ياااااااااااااااااااارب

[نواف الغلا]

عهدونه
قلم مميز . . ورائعه . . اتمنى ان لاتحرمينا حظورك المميز

ولما تجي أم عيون سود خلاص يصير كل شئ كان ممنوع مسموح

خخخخخ . . لاحول ولا قوة الا بالله . . حتى بعظهم ملتزم وتشوف اللحيه قبل الزواج معفيها ماشاء الله
لكن أم العيون السود حلقتها والولد صار على الموضه . .
.
.
.
سولارا :
المشكله فعلا موجوده وتمر على كل شاب يحب يكون متسلط اول مايخط شاربه على اخواته
لكن شويتين وينفش وخلاااص . . كلها بقايا عادات وتقاليد وسوف تختفي في الاجيال القادمه ان لم يختفي الكثير منها . .
وأقصد انا جانب التسلط من الاخوه كما أشارت له عهدونه . .
اتمنى ان لا أكون ثقيل على متصفحك . . فالموضوع متشعب وجميل ورائع كــــ كاتبه
كل الشكر لكم جميعا