قال منهو في حسب رايه يشير==بالهدايه واجتناب المعصيات
العباثه والجهل مافيه خيــــــر== الهدايه نور والجهل ظلمات
مايصير ان العمى مثل البصيـر== اسمعو ياهل القلوب الواعيات
العمى ماهو بعميان النظير == كم عمى قلب عيونه صاحيات
والليالي لو تدير وتستدير == مايثبت وين راحت وين جات
الشرف ماينحقر عنه الصغير== كم صغار ينطحون الموجبات
كم صغير يقتدي فيه النشير == وكم صبي صار من عرض الخوات
الرجال شطار كان انك شطير==لا صار لك دوره لهم سبع دورات
لا تقول ابااسبق على شرب الغدير= لوجهمت ركاب غيرك ساريات
ماتصدق لين تنطحهم صدير == وانت عاقبهم ركابك وارداااات
وشكرا
ملاحظه /لقد نقلت القصيده على ماذكرت لي واسف ان حصل منها نقص
للشاعر الراحل ... زبن البراق ..رحمه الله تعالى
رد مع اقتباس
