اللفت جمعنا وانا شاكر اللفت
لوهي ثواني شاكرين جميله
عز الله اني شفت بالوقت ما عفت
والظاهر اني فيه راعي طويله
غلطة عمر ضيعتها حين ما شفت
ما كنت اعرف ان الليالي بخيله
يا ما على هكا الليالي تحسفت
ايام عودتها علي مستحيله
وشلون ؟ ما ادري !! ليتني ما تعرفت
لا الدار تجمعنا ولا اسم القبيله
جاوزت حد الشوق يا قلب واسرفت
تشيل حمل يتعب اللي يشيله
فرشت لوعاتي وفيها تلحفت
مثل الذي بالقيظ ضيع صميله
حاولت لكن عن منى الروح وقفت
مالي على ما قدر الرب حيله
يالايمي عساك بس ما تكلفت
لو قلت ما داويت روح عليله
امشي بدرب فيه لليوم ما انصفت
تسعة اسنين كنها نصف ليله
رد مع اقتباس
المشاركة الأصلية كتبت بواسطة (بنت أبوها)
