(( كــروت الافـــراح ))
والله انّي خــايف وخـــوفي العطله كبيـــر
كـــــان ربي راد ليّــــــه وعشت ايــــامها
عطلةٍ تكثر بها كــروت الافــــراح وتصيـر
للبعض فرحــــه وللبعض نــــوب اعدامها
يوم يقـــرا العاشق المغرم الكرت الخطير
منكتب فيـــه الممــــات لهنوفٍ رامـــــها
خـــايف ان احلام دنياي في لحظه تطيـر
لحظـــــة اقرا كرتها واعرف استسلامها
واخبث انواع الحروب اللّي بوسط الضمير
بيــــن الاحلام وحقـــايق تعيــــق قيامها
يــوم كنّا صغــــار وقت البراءه والحصيـر
يــــــوم كـــانت تجي يمّـــــي ولحــدٍ لامها
كانت تجيني وكنت افرح ان جتني كثيـــر
جــــــايبه دفتر رسم ترســــم إبه احلامها
ترسم الدنيا جزيـــره بها زهــر وعبيــــر
وسطــهــا وادي تلــوّنه زرق اقــــــلامها
راسمــه فيها ثنيــن وعليــهم لي تشيـــر
قآيله هــــذا انــا وانت لي بااوهـــــامها
هذي الرسمـــه بعد كم سنه واقــع مريــر
لاربيـع ولا بنيّــــه قـــصــر هنـدامـــها
ليــت للمــاضي رجوعٍ ولو ارجــــع فقـير
بس لجل يحقـــق احـلام لي واحـــلامــها
فآصله،،
بشّروني عنك مآيدرون عنّي....
رد مع اقتباس
