اخواني واخواتي السلام عليكم ورحمة الله .
اقدم لكم اعتذاري بخصوص انقطاعي عنكم لضروف خاصه ولكن لن تغيبو عن البال
امل ان يكون الجميع بخير .
وتقبلو مني هذه القصيد المتواضعه
[poem=font=",6,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""] أشره على زيد وألا أشره على عمه=
بعض المشاريه والله مالهـا داعـي
أعرف طريق السنع وأميـز اليمـة=
وأوفي مع أهل الوفا بالمد والصاعي
إلي مبادي وإلي منهج وإلـي ذمـة=
وعن الوفا والمراجل ما أنقصر باعي
هداج ما ينقص الغراف مـن جمّـه=
إن جـاه وراد والا جـاه زراعــي
وراع الردى والنميمة ما ألتفت يمه=
اللي يشب الفتن ويطق الأصباعـي
يلقى من الناس من يأويه ويضمـه=
يلفقون الكلام أنصـاف و أرباعـي
كنه مكلف علـى الأجـواد بمهمـة=
لا بارك الله في المسعى ولا الساعي
من راقب الناس غيظ يموت من همه=
هاذي سوات الضعيف ضعيّف الناعي
تصعب عليه المراجل ميـت الهمـة=
لو لبسوه العرب عمّـة ومسواعـي
صحيح ما يقبـل الرجـال بالنمّـة=
والذيب ما يأكل الجيفة ليـا جاعـي
وسفح الجبل مستحيل يلامس القمة=
لو كان هانت علينا حب الأكواعـي
وإن كان جانا خطأ الجهال بمطمـة=
تبقى الرعية وشرهتها على الراعي
بكره يصح الصحيح وتنجـل الغمـة=
ويبين للناس خافي كـذبٍ يشاعـي[/poem]
عبد الله خاتم العضياني