[poem=font=",6,black,bold,italic" bkcolor="transparent" bkimage="" border="none,4," type=1 line=1 align=center use=ex num="0,black""]
مسى يوم الخميس ونجمة الجوزاء تباريني = من الساعه ثمان الليل لين اوحيت الآذاني
أهرجها وأعاتبها على اللي سوته فيني = وأقول الله وأكبر كيف ياخلي بتجفاني
حرام وخافي الله فيني اللي فيً كافيني = يكفيني من التعذيب والتجريح ماجاني
ليا نامت عيون الناس هل الدمع من عيني = وإلا ونيت ياخلي تجدد ماضي احزاني
وألحًق ونتي ونت قهر وأفرك إيديني = وأنادي ياحبيبي كيف تال الوقت تنساني
هذا رد الجميل بقولتك ماعاد تعنيني = هذا رد الجميل الصد عن حبي وحرماني
أذوق الموت وأتجرع قهر والبعد طاويني = وحضرة صاحبي ياناس في ذلي تحداني
عقب ما اوفيت في حبك يابنت الناس عفتيني = عقب ماكنت انا يمناك تامرني وتنهاني
كفاية مارحل من عمري اللي راح وسنيني = إلي خمسة سنين ولا عرفت النوم يا أناني
أنا ودعتك الرحمن ياسيد المزاييني = عسى ربي يحفظك من عيون فلان وفلاني
وأنا بحاول انسى يالغلا مابينك وبيني = وأعيش العمر من دونك فرح والراس ماهاني
[/poem]
رد مع اقتباس
