[poem=font=",6,purple,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ما جيت أدوّر عن غلاف المجله =وأرفض وجودي بين الاسماء ديكور
الشهرة اللي كلبوها مذلّه=ادوسها والقلب بالحيل مسرور
جمهور يستغفل على فش غله = في لعبة التصويت .. ماهوب جمهور
قل للذي جاني بمليون قلّه= ( النايفة ) والاسم ماهوب مغمور
قدري ما بين الناس كلٍ يجلّه =ثبتّ لي اسمٍ مع الناس مشهور
حضرت ويديني بها الشعر كله = هذا الحضور اللي يسمونه حضور
وحطيت لي من كل الأصناف سله=أحبّ وأوصف وأمدح أحيان وأثور
وأسست بالإبداع فالشعر مله=والله ما هو غرور لو قلتوا غرور
من هي خذت جزل المعاني جبله=من هي كسرت بعض الرجاجيل بالدور
من هي غدت في صدر الأنذال عله=من هي تسوق الحرف للغير دكتور
من هي تحلّ الصعب لا صعب حلّه=لا صار من ضيّع بدا يلفّ ويدور
قالوا حروفي مثل وصف الأهله=كم قارنوني في حبيّب ومستور
وقالوا قصيدي ما به أحدٍ يمله=والله من واحد مولّع ومقهور
واقول ما به مثل دربي لا بالله=بنتٍ كتبت الشعر بإحساس وشعور
النايفة والحرف سيفن اسله = كم حرف سلّيته مع الوقت مخبور
الغير يبني له بالأشعار فله=وأنا قصيدي بينهم يبني قصور
وما أزلّ .. وإن جتني من الغير زله=أصير في دربه مثل غصّة الزور
ولو كوّنوا ضدي من الحقد شله=نسفتهم بالحرف والحرف معذور
طموح غيري في غلاف المجله = وطموحي التاريخ يكتب لي سطور
[/poem]
رد مع اقتباس
