اذا قلبك غشاه الهم.. عادي كلنا أحزان
فمنهو ياأمل فينا ..يكمل خطوة الثاني
حملتك بالوفا يمكن .. تزين باقي الأركان
وتحمل كل أمانينا .. وتفرح عمرنا الفاني
لقيتك للأسف تارك .. على باب الجفا عنوان
وقريت بصمتي القاتل .. شي(ن) حطم أشجاني
علامك ياأمل ترحل !.. تعيشني مع الحرمان
كفاية طعنة الدنيا ... كفاية والله ماجاني
عفواّ ياأمل لحظة ؟... ترى قلبي بعد غلطان
أنا مالومك لحالك !.. الوم اليوم وجداني
صحيح الفكر لامنه .. صحى في معظم الأحيان
يصحي القاصي والداني .. ويرفع للعلا شاني
ولكن مع مرور الوقت ... خسرت بسبته شيئان
أمل يرافق دروبي ... وحنان يلم أحزاني
انا وانت تفرقنا ... وكلن ضيع العنوان
من عقب ماتحنينا ... بكف العالم الجاني
تذكر يوم ماكنا ... نعيش كأننا اخوان
تذكر يوم ألحن لك ... وانت تغني ألحاني؟؟
كبيرة قسوة الدنيا .. صعيبة عطشة الضميان
أليمة عيشة الفرقا ... سمت حالي العان
ولكن رغم العنا كله ... بتبقى شمعة الولهان
تضوي على درب(ن) لإسم الياس عمياني
وتتفتح زهور الحب .. ونروي وصلنا العطشان
ويرجع كل مافينا .. يكمل خطوة الثاني
رد مع اقتباس
