[poem=font=",6,purple,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الله يجازيك وش سويت في حالي = خليتني مع مرور الوقت ولهانه
سكنت فيني خذيت المنزل العالي=غلاك في وسط قلبي ثبت أركانه
طيفك حبيبي إلا من مرّ في بالي =خليت كل البشر حولي علشانه
غالي وطاريك قبل يمرّني غالي=ومن جاب طاريك عندي يسلم لسانه
اردد اسمك واذوق السكر الحالي = يا نهري العذب شفني دوم ضميانه
شفني بدونك سهرت الليل بلحالي = اشتقت واشتاق لك قلبي وشريانه
رقمك قبل لايدقّ ,, يفزّ جوالي = من كثر شوقه لصوتك غيّر ألحانه
تعال اقهويك واشرب كيف فنجالي = تعال اطيّبك من عودي ودخانه
تعال واقرا حروف اسمك على شالي=تعال مشتاق لك بيتي وجدرانه
تعال شف صورتك في وسط سلسالي=تعال بدد جروح القلب وأحزانه
دامك بجنبي طريق الشعر يحلالي=كل القصايد بدونك ما لها خانه
طرقك هو اللي يسّلي وحدة السالي=لو كان تكثر طروق الشعر وألوانه
أضفت ( بحرك ) على شعري وموالي=وسجلّته اليوم ضمن الشعر وأوزانه
واقول للي بينشدني : وأنا مالي=حبٍ سكن خافقي والله رفع شانه
بالله يا اللي تسجّل سجّل أقوالي=وانا بكامل قواي واسمي : فلانه
العمر : يوم أن فاله وافق لفالي=اكتب عن إنسان تغلي قلبه إنسانه
متى أشوفه حبيبي ويتفضالي=ويصير عنواني المكتوب عنوانه
[/poem]
رد مع اقتباس
