متواضعه للتواصل ,,,
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""] يالله يامعبود ياعالم الغيب = ياواحدن كل المخاليق ترجيه
ماغيرك الي نطلبه خير ويجيب = وماغيرك الي فالنوازل نناجيه
الوقت خلا الورع في راسه الشيب = والشر في كل النواحي نلاقيه
راع الخطاء تال الزمن عوٌد مصيب = وراع الصواب اتساق فوقه مشاريه
ماعاد نسمع راعي الجود والطيب = ماعاد نسمع غير " مازن " وطاريه
الي يجاهر بالشرف صار له عيب = والي يجاهر بالردى .. حيٌ راعيه
وين السيوف الي تقص المشاعيب = في حكم شرع ٍ ينطق الحكم قاضيه
فالشرع مانلقى نقوص وعذاريب = شرع ٍ منزٌهه بامر ربي وحاميه
احوال جيل اليوم صارت تعاجيب = ماعاد تدري بنت ولا ولد بيه
ما به شبيه الصقر والنمر والذيب = مغير زول ٍ تطلب الله يعافيه
اطلق شنب فيهم تحصله شنيب = مايصبح إلا لين بالموس يعطيه
لو حدٌه الله للظروف المصاعيب = ماهو حزام ٍ لآقشر الوقت تشريه
تلقى دموعه فوق خده مساكيب = يدٌور الي طول ليلة يواسيه
حيً الذياب الي في روس المراقيب = الي ليا نادي المنادي تلبيه
عنك الورق ماتذخره داخل الجيب = تقضي لزوم الي لزومه معنٌيه
إلها في دار العز بيت ومضاريب = منصى الرجال الي لها علم تبديه
دام الكرم والجود طبع المعازيب = مايلحق النقصان من هو قلط فيه
هذي علوم ٍ تمسح الجرح ويطيب = ماهو علوم "مطيح ٍ " حد ساقيه
[/poem]
رد مع اقتباس
