[ ياخي ]

[فواز الفهيد]

[align=center](مدخل )

تمر قدامي ولا اقدر اناديك !
........................ ويمرني عقبك شقاي وحنيني !

ماكني اللي راح عمره بأياديك !
........................ ولاكنك اللي طول عمره يبيني !





ياخي ولو انك رجعت وتعذرت
........................ تبقى الجروح اكبر من اللي تقوله

حتى لو أخفي جرح حبك وكابرت
........................ تلقا جروح من المقادير حوله

ماني معك شفني مع الريح سافرت
........................ من يوم بـ ارضك غيري أعلن وصوله

مع الأسف أخطيت حيل وتنكرت
........................ وهدمت كل اللي بنيت بـ سهوله

خلك مع اللي غيروك وتغيرت
........................ عساك تلقا اللي تبيه وتنوله

اما انا انسى لو انك تذكرت
........................ وحنيت لـ ايام الصبا والطفوله

ماني على خبرك حبيبي / تحررت
........................ وخليت لك دور البطل والبطوله

شفني عن دروبك صبرت وتصبرت
........................ والصبر من اسمى صفات الرجوله

لو تعتذر والا عسا ماتعذرت
........................ يبقى الفراق أكبر من اللي تقوله



(مخرج)


تدري وش أصعب من وداعك وفرقاك !
........................ هي رجعتك ياصاحبي عقب صدك !
وتدري وش آخر ما افكربه ؟ رضاك !
........................ ولاعادني شفقن على كسب ودك !





جريدة الأنباء الكويتية ،
صفحة الواحة ..
[ العدد : 12 نوفمبر 2009 ] !

[/align]

[خــــالـــــد]

[align=center]
صح لسانك واعتلا شانك ,,

تسلم يمناك يا فواز

قصيدة رائعة وجزلة

ولاهي غريبة عليك

دمت وسلمت ولا هنت

[/align]

[فايز بن علي]

اخوي فواز صح لسانك
وعلى شانك
جزل تقبل مروري الاول لمتصفحك ودمت
تحياتي

[صالح الروقي]

صح لسانك يافواز

وعلا شانك

وجزل لاعدمناك

ودي وتقديري

[أبوعبدالرحمن]

جزل يافواز

لله درك

وصح قلبك وكلك

تحيتي لك

[محمد الدغيري]

[align=right]فواز الفهيد

حياك ربي


ح ــضور مميز وممتع

صح قلبك وكلك


وننتظر تواصل ابداعك


تحيه ع ـــطره[/align]

[بندر النايف]

يا هلابك يا فواز

وصح ألسانك مدد بلا عدد نص باذخ بروعته وجميل جدا

دمت بود يا طيب ,.