[poem=font=",6,purple,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا اللي جزعت من القصيد النسائي=مدري علامك يا ابن الأجواد مستاء
ما فزت في مباراة قبل النهائي=حتى تحوز الكاس وتسجّل إهداء
مدري عطاءك ما يوازي عطائي=والا تعبت وصاب تفكيرك إعياء
ذكرّتني في ( صفّ أولى ابتدائي ) =إذا اشتكى واحد من أسباب الأمعاء
يبغى عذر لو كان عذر انتقائي=يكذب ولا يحسب نتايج للأخطاء
يسعد مساك ويسعد الله مسائي=والشعر متساوي لآدام وحوّاء
حكمك علينا ما رواه ( الكسائي )=ولا ورد في موجز أهم الأنباء
( بخوّت ) يذكرها لسان الروائي=وما فيه واحد ما سمع شعر ( خنساء )
وانا قصيدي في حياتي دوائي=لا ما عشقته لاجل تسليط الأضواء
وما همني تفكير واحد بدائي=ضاعت حياته قبل يعرف ( ألف باء )
ليتك تعرف إن التسلسل هجائي=حتى تفرّق بين ترتيب الأسماء
في الشعر أنا قدّام خلّك ورائي=وادرّسك وشلون ( تحسين الأداء )
لو التفت يمّك وتسمع هجائي=تبدّلت عندك مفاهيم الأشياء
أنا اجتياحي بين برّي ومائي=وفالجوّ يشهد لي بتعكير الأجواء
ذبحت لي عدوان لكن عزائي=كسبتهم جمهور ماهم بأعداء
أنا مناخي في القصيد استوائي=غيم ومطر وأرضي على طول خضراء
وغيري مكانه وسط الأشعار نائي=يعيش ويدوّر على قطرة الماء
أما تحدد لي مواطن غبائي =والا اعترف بأنك تعاني من الداء
( داء الفكر ) ما له تصرّف وقائي=يصيب عقل البعض ويسبب إغماء
يردّني عن ذكر اسمك حيائي=هذا إذا ما زلت من ضمن الأحياء
بعدّها زلة ولكن رجائي=لا تنتقص في يوم من بنت حوّاء
[/poem]
رد مع اقتباس
)~
