سوالف بنفسجية

[البنفسـج]

بسم الله الرحمن الرحيم

اصبحنا وأصبح الملك لله...ودي أكتب موضوع مهم الكل يتابعه ويشارك فيه حكيت راسي لين جرحته ما طلعت بنتيجه قلت مافيه الا صديقتي نشمية بنية حلوة ومزيونه وذكية وتحب السياسة والحلاوة الطحينية ومثقفة حيل تاكل الكتب الي بطعم الجالكسي..
الو الو نشمية كيف الحال حول
الو الو بنفسجه اناطيبة كيف حالكم
نشمية خلينا من حالنا وخبرنا والجملة الاسمية ابي خبر وموضوع اكتب فيه الحين..
بنفسجه اكتبي عن انفلونزا السياسة
نشمية انفلونزا الخنازير
بنفسجتي الانفلونزا اقسام صابت كل شيئ بحياتنا سياسة مشاعر مصارين كل شيئ
نشمية طيب ماخترعو مضاد لانفلونزا السياسة
بنفسجتي جالسين يجربون اللقاح على السياسة العربية

بصراحة مافهمت شيئ يمكن انتم فهمتو انا تعليمي على قد حالي وحدي قصص المكتبة الخضراء..
لكن بدور موضوع آخر وأكتبه

[بندر النايف]

بداية سواليف حلوه وجميلة ومفيدة

هلابك يالبنفسج

وحياكِ الله


وأنا متابع لسواليفك ولا تبطين علينا

وخلينا ندردش معك ^_^

[صالح الروقي]

هلابك بنفسجيه


ونتابع سواليفك

وننتظرك


تحياتي لك

[البنفسـج]

أهلا بجمع المذكر السالم>>بندر النايف وصالح الروقي
مرحبا بكم في مجلسي وديوانيتي البنفسجبة...أشربو القهوة وتابعو سواليفي
اليوم ساحكي عن نون النسوة(أختي)ذهبت لصالون التجميل يعني الكوفيرة ولمى عادت كانت مو أختي هي أختي بس شكل ثاني راح
أفهمكم رجعت وشعرها كأن مقص مجنون عبث فيه وحواجبها(تشاينيز)
صينية...بصراحة صحت قلت أبي أختي الي شعرها حلو وحواجبها اقواس هلالية..على طول قالت لي يامغبرة ياقديمة الحين تطورور الشعر مجنون والحواجب تشاينيز والخدود روسيه والدقن صومالي ...الله يرحمكي ياجدتي مزينة الحمدالله ماشفتي حفيداتك بها الشكل ولا كان قامت الحرب عندنا..
المهم حبيت انتقم من اختي انا ضعيفة ما اقدر ارد مافيه الا ام عباد لسانها طويل وتعطي بالوجه ودقيت اعزمها للقهوة عندنا انبسطت تتوقع اننا وافقنا على زواج ولدها عباد من اختي<<بتجيها جلطة..عباد حبوب وطيب مالقى وظيفة فتح محل جوالات اخر الشارع جنب محل الفوال وفي الحج يبيع خرفان ذبياح وقت الرطب يبسط بالونيت وبالصيف يبيع جح تاجر مصغر...جت ام عباد وجلست في الركن جنب صورة جدي أرصد أنطباعها لاشافت أختي وناديت أختي ودخلت شايله القهوه لابسه بنطلون تقول لاعبه فيه الفيران مقطعته والبلوزه مغبره عليها اشباح والشعر طاير..
ام عباد على طول سمت بالرحمن وقالت مشاء الله جبتو شغالة ثانيه بس والله شيفتها تروع لبسوها زين وستروها...وقامت الحرب أختي ينقالها شغالة...أول مرة تعجبني أم عباد...
الحمدلله والله مادري ليش البنات مغفلات كذا اي موضة يركضون وراها

عجبي منهم...انشاء الله عجبتكم سالفتي تراها بكثير من البيوت..

أنتظروني مع سالفة ثانية...

@في الزاوية وانت عند باب الخروج ليه يالي تشاهد ماتدخل@

[ضحكة أمل]

البنفسج
سوالفك واقعية وفعلا بتحصل بكل بيت عربي
ربنا يهدي جميع شباب وصبايا المسلمين
تحياتي لك

[البنفسـج]

ضحكة امل اهلا بك صديقة جميلة مستجدة مثلي هنا

مرورك اسعدني

[أنـ الذكريات ـين]

هلا بكـ بنفسجية

وهلا بسوالفك

متابعين ^_^


تحيتيـ

[صالح الروقي]

طابت لنا سواليفك يالبنفسجي

واصلي ونحن منصتين

شي واقعي

تحياتي لك

[الخاالديه]

[البنفسـج]

أنين الذكريات..........

متابعة أنشاء الله مفيده..
سواليفي واقع معاش..

مرورك أسعدني جدا..

[البنفسـج]

صالح الروقي...

سواليفي سواليف الشارع السعودي أحداث تمر ببيوت
البسطاء أمثالي...حلمهم بيت صغير وأسرة متحابه...
يجهلون الليبرالية والديموقراطية والبيروقراطيه..يعرفون بس
حق الجار والقريب ..وهذا عيب وهذا منقود....
سواليف البنفسجيه سواليف بسيطه في خارجها بس
بداخلها براكين...
مرورك يا ابن روق أسعدني وشرفني..

[البنفسـج]

همس الليل...

الله يعطيك العافية على ها لمرور الحلو
طريقة كتابتك حلوة<<أختك ماتعرف شيئ بالكمبيوتر

اسعدني هالمرور الحلو......

[**ونة خفوق**]

يعطيكـ العافية

يالبنفسج<<اسمكـ ذكرني بعطر حلو

صراحة سوالفكـ رووعة

تونس وتنعنش <<حشى


انتظر جديدك الممتع

معـ ودي واحترامي

[صالح الروقي]

البنفسج

وماا اجمل البساطه

ومااجمل عيشة البسطاء

سواليفك تنبيئنا بتواضع هامة شامخه

فلازلنا نتابعك


تحياتي

[البنفسـج]

ونة خفوق.......وانتي ذكرتيني بجدتي مزينه وهي وتقول قصيد
ياونتن ونيتهاتسع وتسعين ونة** ونة كسير يجبرون عظامه<<هذا الي حفظته,...
ونة خفوق جعلك دوم مويوم مبسوطه ومستانسه مثل ما انا مستانسه بمرورك الحلو مثلك..
لاتقاطعينا دوم طلي علينا..
وشمي ريحة عطر البنفسج