سلام عليكم
مصافحه اولى
اتمنى ان تقبلوها ببساطتها
[poem=font="simplified arabic,4,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] لقيتك بلا ميعاد وانا على ميعاد=وصرت انت ميعادي وخليت ميعادي
لمحتك سنا برقٍ وحثحثتني رعّاد=تبسمت لي والقلب نبضاته تنادي
هلا بصدفةٍ تحي بلاد وتشب بلاد=هلا ياحيا قلبي ونيران حسادي
هلا يامزون الزين ياوبلها اللي جاد=هلا بريحة اليشموم والفل والكادي
هلا ياوفي العهد يالخاين الجحّاد=هلا ياهنا عيني وتنقيض مرقادي
تواريت عن عيني على حزة المهجاد=ولا شفت لك بينه سوى داخل افوادي
من اقفيت والأعياد ماغير بإسم أعياد=ياوين أهتني بالعيد يافرحة أعيادي
أصدر من الأحزان يم العنا ورّاد=ولا شرب يرويني ... ولا طعم في زادي
أغني على الأشهاد وتحن لي الأشهاد=ولا حن قلبك يوم تحسي تنشّادي
ترى القلب دون شعور .. بيتٍ بليا أعماد=وبيت بليا أعماد .. طايح ولا فادي
ومتكبرٍ مشتاق ؟ .. حرٍ به الأصفاد=وحر به الأصفاد .. مافز لمنادي
وحب بلا ميصال .. جايع بليا زاد=وجايع بليا زاد ؟ للموت منقادي
وودٍ فقد تقديره ..؟ إن مانقص مازاد=لأنه بلا تقدير آلافه آحادي
ياكم حث قلبي خطوتي تايه ونشّاد=هل الحب ماعيّن حداكم هوى غادي ؟
وهاليوم شفتك صدفةٍ ماهي بميعاد=وخليت ميعادي .. وصرت أنت ميعادي[/poem]
اخوكم
سعيد
رد مع اقتباس
