]حبيت ان انقل لكمـ احدى قصائد
شـاعـر العـرب (( راشـد ألاطــرمــ))
احد اعضاء منتدانا العزيز
وان شاء الـلـه تنـال اعــجــابــكــمـ
ياليلة العيد صمنا دهر.. والدمع عيب=والعيب الاكبر تموت النفس مستسلمه
تعبت من شوفة العالم بعين الرقيــــب=وعجزت لا استوعب اني في زمـــــن عولمه
محتاج افضفض لهالكـــــون الفسيح الرحيب=منهار من كثر شي بالضلــــــوع اكتمه
اشيل لي هم..واغني تزين,,وتطيب=همن يفــــــجّ المحاني والفـــــؤاد اقسمه
حـــزن المدينه وشاعــــرها يفرح غريب=اللي يدور على شيٍ يخــــــــط اقلمه
يبيع نفسه عشان يقال عنه الاديـــب=ويلهث ورى الضوء لو كل العرب تشتمه
جالس ينظّــــر على العالم وهو مايصيب=خمسه وعشرين عــــام يدور الملهمه
ترعاه عيني وراجـــــع ماضين لي قريب=واقـــول من لايحشم النفــــس لاتحشمه
يابن الثقــافه يافلتت هالزمن يانجيــــب=يامنتهــى العـــلم ياستــــــــاذ ياملحـــمه
تعال اعلمك لو راسك غزاه المشيـــــب=ان الادب شي راقي وانت ماتفهـــــمه
ثقافة الجيـــل ماهي حبــــذا يالحبيب=او انك تجيــــــب لك كم كلمةٍ مبهمه
ياشجرة التوت لو جف النهر والقليب=الدم يسقيك دام الصدر رد انسمه
ولاني بقاطع رجاي يسيل ذاك الشعيب=ويقوم حلم الربيع اللي رحل موسمه
حلمن مع الوقت وجدي فيه عيا يشيب=مازال باقي له بوجهي وشعري سمه
ماهوب بحلم الحبيب اللي جفاه الحبيب=حلمٍ بلاماه تكمل عدة المرسمه
ياليت مابي يعالجه الشعر والطبيب=ماكان حالي مثل ماشفت عاف لحمه
راشــد ألاطــرمــ
اتمنى ان تنال اعجابكم واتمنى التنسيق من مشرف القسم
رد مع اقتباس
