[poem=font=",6,green,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لعل الوقت يسعفنـي واكملهـا يابـو تغريـد=على ذوقي وانا ذوقي يناسب ذوق الاسطـوره
الا يا قلب لاتشكـي مـن التجريـح والتعقيـد=انا مااكتب سوى نبض الخفوق وصادق شعوره
اعزي نفس ماتسـلا ولاملـت مـن التجميـد=على ذكرى هوى خل(ن) جرح قلبي بساطـوره
واداوي جرح مايبرى ولاينفـع بـه التضميـد=واراقب بالنظر قلب(ن) غدى بيدينهـا كـوره
غريبه كل ماغابـت غلاهـا بالضميـر يزيـد=والاغرب يوم تطري لي واقول البنت معـذوره
دعاني حظي العاثر وا نا طعته وجبـت العيـد=دفعني للخطاء قولت ذنـوب الحـب مغفـوره
صحيح الجد مايقبل ثقيـل المـزح بالتحديـد=ولااحد(ن) ينكر الواقع ولا المنطق ودستـوره
انا مازلت ضد اللـي يقولـون الـردا للغيـد=جبله من طبيعتهـا عليهـا البنـت مفطـوره
لأن التفاضل مايوافق مبـادي تابـع التوحيـد=وانا اللي مانفذ صبره ولو زاد الزمـن جـوره
بعيـد السـد مابيـح خفـاه وكثـر التنهيـد=رجا يسره غلب عسره وتبقى الحال مستـوره
انـا اريـد والخالـق يدبـر مايشـا ويريـد=مسير ماني مخير سـوات اللـي دخـل دوره
ومدام التجربه شاهد انا اللي جـرب التجنيـد=وعرفت ان الامل قوه تصبرني علـى شهـوره
غيابك نار وامالـي بلحظـة رجعتـك تبريـد=اعيشك حلم ياعمر(ن)عناه يحـارب سـروره
خطاي اسرفت باخلاصي لقلب(ن)يعشق التنكيد=وخطاك تحمل الغالي حمـولآ فـوق مقـدوره
وخطانا كلنـا جملـه تبـاع بقيمـة التفريـد=كلانا غلطته يبغى المقابـل يرضـي غـروره
قلبنا صـورة الواقـع خيـال بنيـة التنجيـد=تعامينا وضيعنا الخيـال وضاعـت الصـوره
تثبت لي وتعطينـي اوآمـر لحظـة التسديـد=وانا طعتـك وزعلـت النشامـا يـام تنـوره
بعد فات الاوان وفات ميعـادي مـع التمديـد=عرفت ان الثمن شاعر خسر نفسه وجمهـوره
وصغرت بعين من ساءه خطاي ونفذ التهديـد=حلال بحق من خالف هـواه ولاسمـع شـوره
بعد ماكنت له طيـر يهـده للقنـص ويصيـد=تركني طير للزينه وانـا مـن خيـرة طيـوره
رحمك الله يابن آدم تحـب المـدح والتمجيـد=عيونه تنظر لغيـره ولاتكشـف لـه قصـوره
حبيبي لاتواخذنـي بكثـر الشجـب والتنديـد=تراك مقابـل شاعـر تسوقـه روح مقهـوره
لك الله مافقدت الا حقـوق الرفـض والتأييـد=واذا خالفتك برايـي تـرى مانتـي بمجبـوره
سأمنا المنهج الرجعي وكثر القمـع والتشديـد=تخلفنـا وخلفنـا حظـاره نصفهـا عــوره
ورثنا الخوف من امه قديمه ترفـض التجديـد=وانا شاعر ومن حقه يقول ويكتـب سطـوره
[/poem]
رد مع اقتباس
