وين حب الأولين
الزمان أفقـــدنا جوهــر الحب الحقيقي
وضاعت الآمال وفُقــدت التضحيـــه والحب الطـــاهر ....
أتمنى مروركم
ولو أن كلماتي فيها نوعاً من القســوه على الجنس الناعم
شعور شعرت به فأحببت أن أترجمه هنا .....
[poet font="Simplified Arabic,4,black,bold,normal" bkcolor="transparent" bkimage="backgrounds/14.gif" border="groove,4,gray" type=2 line=200% align=center use=ex length=0 char="" num="0,black" filter=""]
أسأليني في حياتي .. ليه أحبك وآتكبّـر=أسأليني وأسأليني وأسأليني .. لو بغيتي
قولي : ليه أني أحبك .. وآتشكــى وآتصبّـر ؟؟=هقـوتك ما خالطتها شك .. يومك بي هقيتي
البداوه ساس راسي .. والعرب تالي تحضّـر=بايعـك دامك رخصتي قيمتي يومك شريتي
أدري أني ما خسرتك .. بس قلبي بك تحسّـر=يوم جيتك بالغـلا والحب الأول ما رضيتي
كيف راسي دلة(ن) معها حليب(ن) لا مبستـر=يوم وقتك بالمطاعم وسط كودو أنطويتي
البراقع واللثـام وموضــة الثوب المخصّـر=ذكّـريني ذكّـريني غير هذا وش نويتـي
الشـدو والخدّ نفس اللون والشعـر المشقّـر=والجمـال اللي يقال أنّه طبيعي مالقيتي
يا عرب قل الأدب .. والعالم التالي تطوّر=علميني علميني من زمــانك وش خذيتي
وين حب الأولين .. أهل النعامه والمشهّـر=وينـه اللي يقلب الساحه إلا منّـك سريتي
وين قيس و وين ليلى والشجاع الحر عنتـر=روّحـوا والحب باقي في خفوقي لو دريتي
عادتي والله ما أزعل .. لو زعلتي ماتذمّـر=أدري أنك فاهمتني فاهمتني لو نسيتي
لو خفوقي قد تكسّر .. ياقصيـدي لا تكسّـر=أعلم أنك ما هدمتي .. لو هدمتي ما بنيتي
من يدوس بقاع رجله فيضة الذل يتطهّـر=قيمتك زيرو على يسـراي والله ما أعتليتي
أطلع الرجـم الطــويل .. أليا طلعته ماتحــدّر=ما ألتفتّ خلاف ظهـري .. لو زهمتي وأنتخيتي
قـدّر المولى أنتفارق .. والقـدر شي(ن) مقـدّر=ما خسرتك يوم أبيعـك .. لأنك أصــل(ن) ما هـويتي
[/poet]
أتمنى من أحدى الأخوات توضيح كلمة الشدو / لأن توضيحكم بيجي أوضح مني .
أشكر كل من قرأ مشاركتي
أخـــوكم / الكايد .
رد مع اقتباس
