[poem=font="Arial,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ياكم زعل غيرك على شان ترضين=ياكم وكم لرضاك يابنت برهنت[/poem]
[align=center]عفـــواً[/align]
[align=center]
إن القلبَ الصادِقَ الذي تبحثُ عنْه غير موجود مؤقتاً ...
نرجو عدم المحاولة مرةً أخرى ..!
!
!
![/align]
[frame="7 80"][poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يابنت روحي وأعشقي من تودّين=ولاتحسبيني بارخص الدمع يا بنت
يابنت أنا طبعي من سنين ودنين=لو خانني وقتي أبد يوم ما خنت
أبقى على عهد الوفا لو تبورين=لا غاب غيري فالشـدايد تبـيّـنت
حب الشرف يبقى ولو كان لسنين=وش ذنبي أني بالغدر ما تفنّـنت
شيّدت حبك داخل القلب والعين=مكّـنتك بروحي وأنا ما تمكّـنت
لا غاب زولك عشت أنا لوعة البين=وأليا لفى زولك من الشوق هيجنت
علّمتك أن الحب يبدا بحرفين=وعلّمتك أني فيك بالحيل أدمنت
كانك لغير الكايد أنتي تلدّين=لدّي النظر يمّه ترى منْك هوّنت
أنا أدري أنه يصعب أنك تحبين=ياليت لحظه معك أنا مابعد كنت
مانيب أنا اللي ياغثا الروح تبغين=خنتي وأنا باقي على عهدنا صنت
ولاني من اللي له مع الناس وجهين=يا ما صرخت بكلمة الحب وأعلنت
ولاني من اللي يستمع هرج واشين=مع هرجة العذال أبد ما بعد لنت
يا كم زعل غيرك على شان ترضين=يا كم وكم لرضاك يابنت برهنت
أنا معك دايم على العسر واللين=لا ماتركتك لين بالغدر أيقنت
ويوم أطّـلعت لدامغــات البراهين=قتلت أنا باقي الوفالك وكفّـنت
والحين جيتي من عنا الوقت تشكين!=الحين قلتي : ياهوى البال وين أنت ؟
روحي فمان الله دامك تخونين=روحي مدام أني على نظرتك شنت
روحي ترى طبع الغدر يا وهن دين=ولا تحسبيني بعدك اليوم حزّنت
روحي لغيري يمكن أنك تلاقين=عنده بقلبه لك ملفات وبرنت
روحي وأقول بعالي الصوت : تكفين=قولي وأقول لماضي الحب : لاهنت
يا خاينه عهد الوفا والمحبين=يا كم رسمت أحلام قلبك ولوّنت
وين العهد وين الوفا والغلا وين=كوّنتك بقلبي وأنا ما تكوّنت
يا ما نقشت بداخل القلب بيتين=توقيعك أنتي بأسفل القلب دوّنت
هذا مسلسل حبنا والعناوين:=يا قلبها مثّـلت وأبدعت وأتقنت
أنا وقلبي والهوى بين نارين=نار الفراق ونار حبٍ به آمنت
أبختصرلك ما مضى بين قوسين=هذي الحقيقه بآخر القاف بيّنت
(يالخاينه روحي خذي من تودّين=اقسم بربي ما ارخص الدمع يابنت)
[/poem][/frame]
رد مع اقتباس
المشاركة الأصلية كتبت بواسطة الكايد
