[align=center]
[poem=font="Simplified Arabic,5,orangered,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
وين الذي دروب المعالي عشقهــا=اللي تـسوقه همّته للعــلا سوق[/poem]
[align=center]قصْيدةٌ تترنّــحُ فَيْ صدْري
ودّدتُ أن أضَعَها هُنـا بينَ أيْيديكُـم وأمَامَ أعيُنِكُم
وأتمنًى لَها القَبْول وأن تَصِلَ لِذائِقَتِكُــم [/align]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
من لايثمّن هرجته لانطقهــا=ومسرّح لسـانه على كل طاروق
وأذنه عن أشوار المناعير صقهــا=ما يازن الكلمه ولا يعْرف الذوق
يجنّب دروبٍ صعيبه طرقهــا=ما كل دربٍ يسلكه كل مخلوق
الله خلق خلقه بحكمْه فرقهــا=ما يستوي الواطي ولا اللي رقا فوق
ناسٍ لكسب الطيب يندى عرقهــا=للطايله سابق وللهون مسبوق
وناسٍ تودّم عيبها في مرقهــا=مالله ميسّرها على خير منطوق
غربان لاجاعت تزايد نعقهــا=بين الحرار وبينها فرق وفروق
السدره اللي ما يظلّل ورقهــا=مثل الرفيق اللي يدوّر بك العوق
احدٍ الى خاض السوالف محقهــا=دايم مضرّيها على النم والبوق
واحدٍ مواثيق الرفاقه صدقهــا=واضمر لسدّه داخل الصدر صندوق
دنياً تخاوى ذيبها مع سلقهــا=يالله عسى ما للردي عندنا حقوق
ويالله بغيثٍ ينبت أول دبقهــا=وريح الخزامى يختلط فيه زملوق
وين الذي دروب المعالي عشقهــا=اللي تسوقه همّته للعلا سوق
نفسي تزايد من عناها أرقهــا=حتى المنام ولذّته حارب الموق
شمس الحقيقه بيّنت لي شفقهــا=حتى اتضح لي كل ما كان مغلوق
ذي سنّة الدنيا من الله خلقهــا=لكنّ أقول أن كل مطرود ملحوق
وأرجع على أبياتٍ هجوسي طرقهــا=وأختم قوافيها على اهم طاروق
من لايثمّن هرجته لانطقهــا=هذا يعـدّ بسلم الأجواد مطفوق[/poem]
أخوكم / راكان محمد[/align]
[line]
رد مع اقتباس
المشاركة الأصلية كتبت بواسطة @.الرهيبة.@
