[align=center]
جديد لايحتمل التأخير
... وبلا مقدمات ...
الحدث في الرابط والقصيده بين أيديكم :
http://www.youtube.com/watch?v=C7NP-i6rQLs
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
(صك البلاد) اللي بليّا عناوين=قرّرت اجيبه لو تقوم الرقابه
ياقلب لاتحزن ولاتسهر العين=دام الثرا خدّي وعيني سحابه
جرحٍ برا والجرح الآخر له سنين=تكثر سنينه ويتجدّد صوابه
جرحٍ تمكّن فالحشا والشرايين=يرويه دمّي والخلايا زهابه
ليت السبب من صدّتك ياادعج العين=ماكان خفّاقي فراقك درابه
إلى متى وأنّا كذا (بين قوسين)=سؤال هيّن والبلا وش جوابه
متى على الله نقضي الدين بالدين ؟=حتى العدو منّا يحسّب حسابه
ونرجّع أيامٍ خوالي بحطّين=نطلب رضا ربي ونخشا عقابه
حتّيش لو أنّا عددنا ملايين=عدد بدون عتاد وش ينبغابه
حسْب الحديث اللي ورد فالصحيحين=عْن البخاري سطّره في كتابه
معناه نصبح في زمنّا ضعيفين=مثلْ غُثاء السيل لكن غَلابه
يابنت مهما تشتكين وتنوحين=الوقت هذا مايسرّك شبابه
ماتت ضمايرهم ولوكان حيّين=حياتهم والموت صارت تشابه
روّح زمان المعتصم ناصر الدين=وقفّا زمان الأنبيا والصحابه
والله ورب البيت منّا براضين=صارت بلدنا للنصارى نهابه
تريّثي والله يعين المساكين=وجرّي على جرح الزمان الربابه
تصبّري حتى تحرر فلسطين=وألا يجي ذيبٍ يهْجد الذيابه
وتقرّ ياقلبٍ شكت همّك العين=حتى اصبحت من جور همك سحابه[/poem]
[/align]
رد مع اقتباس
-new.gif)
المشاركة الأصلية كتبت بواسطة الكادي
