[align=center]
إهداء لشاعر الثقلين / وشاعر مضر / وزلزال الشعر / وقاموس الشعر .....الخ
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
الله يبيّض وجه ذربين الأيمان=اللي ليا جات المواقف يسدّون
في شاعر المليون للشعر عنوان=وأصدق مثالٍ للملا كان يوحون :
ناصر وإلى منّه وقف وقفة حصان=وعند المواقف ماتجي وقفته دون
لاهان راسٍ يدحم الروس لاهان=فرعون شعر وفالمهمّات فرعون
شاعر ومتفرّد ومبدع وصنيان=مضمون فوزك يا ابيض الوجه مضمون
ربعك هل الغلبا وإلى قلت سبعان=والله ماترْجع وأنت يالقرم مغبون
ربعك مثل عدٍ روى ياكحيلان=وشلون تبلش دامهم فاللقا عون
ماصيدنا المليون والجيب مليان=لكنْ فوزك عن ثمانين مليون
شاعر وطن قالو لفلان وفلان=يحق للي قال واللي يقولون
وحنّا بذلنا للوطن روس فرسان=اجهر بها بالصوت وابليس ملعون
غلبا غلبنا والمواقيف برهان=ومن لا درا يدري والأجواد يدرون
تشهد لنا وقفاتنا يوم الأكوان=لأجدادنا عزٍ لهالحين مصيون
من عهد أبو تركي عسى داره اجنان=عساه فالفردوس يارب ذا النون
لا عهد أبو متعب ذرا كل بلشان=يآمر ولمرَه كلنا مستعدون
صقر العرب ريف البلد عالي الشان=الشعب كله من حسانيه ممنون
وولي عهده منبع الجود سلطان=قايد دفاع المملكه للوطن عون
ونايف وزير الداخليّه وسلمان=وأحمد لاصار الوقت ماهوب مامون
لهم ولانا زاين الوقت وأن شان=طبعٍ لنا ماننتحي عنْه ونهون
وختامها لاهنت ياذرب الأيمان=شعرك يساويله 80 مليون[/poem][/align]
رد مع اقتباس
-new.gif)
المشاركة الأصلية كتبت بواسطة خــــالـــــد
