[poem=font=",6,blue,bold,italic" bkcolor="transparent" bkimage="http://www.g111g.com/vb/mwaextraedit2/backgrounds/11.gif" border="none,4," type=2 line=0 align=center use=ex num="0,black""]
ياشبيه الريـم زينتـك مرجـان وحِلـي =العبي في وسط روضٍ خضر ربي كسـاه
من مروج العشب وليا ضميتي ف/ انهلي =من نبع صافي وساقاه ربي مـن عطـاه
التجارب في الزمـن حـذّرت مستقبلـي =وماضي الأحداث يرسم طريـق الإتجـاه
خط سيري , شال حمله على ظهر جملي =والقمر بين النجوم الرفيعة فـي سمـاه
مانـزل يـم الثـرى للثريـا معتـلـي =وحط نجم سهيل والجدي اخويا وقصراه
يا شرايين اليمين ارقصي فـي محفلـي =و يا يسار الأورده ادفعـي لـه مابغـاه
زودي قلبـي بضخـك ولا تستعجـلـي =يصفي الدم المطهـر ويستنشـق هـواه
هد يا ضغطي وكـل الحقايـق تنجلـي =ماد خيل وكل سابق تبي تاصـل مـداه
و الريـاح الموسميـه تـدوّر مقتـلـي =والمطر في الوسم كم قلب ساهم في دواه
يوم اصفي نيتي ما علـى النيـه ولـيّ =غير رب الكون والصدر ما يجهل خفـاه
ما خضع للمصلحة غير من هو مبتلـي =يا سرع ما اقفى ليا من تحقـق مبتغـاه
يـوم يـدرج للرحـاه الليالـي حمّلـي =ويجهضن بحملهن يوم يعطينـي قفـاه
واتفكر مـر واقـول انـا قلبـي خِلـي =ما ارتدع رغم التجارب وكفاني عنـاه ؟
ومر اقول اللي تقداء بعمى بصر أخبلـي =والبصيره ضايعه منـه ومضيّـع جـداه
واحمد الله واشكـره مـا تغيّـر منزلـي =عند نفسي يـوم لبّستهـا تـاج الغنـاه
[/poem]
,
,,
,
رد مع اقتباس
