[align=center]العذور والسموحه يالربع على الانقطاع الخارج عن إرادتي
وهذا جديدي اتمنى ان تحوز قصيدتي على استحسانكم[/align][poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,white" type=1 line=0 align=center use=sp num="0,black"]
امس الضحى عديت عال المشاريف= رجم(ن) على المشراف طيره يحومي
اخيل مزن(ن) حادرله رفاريف=يقدح و قلبي يقدحنه همومي
من سبت اللي له زمانين ما شيف=اقفاء و انا عقبه غديت إمحرومي
حب الشرف ما خالطه حب تزييف=دامه بقلبي له بقايا تدومي
ياشين يا نياف فرقا المواليف=اللي لهم بالقلب تبقى رسومي
أقول يا وجداه ماله تواصيف=ماله تواصيف(ن) بغير الحلومي
عليه أبصفق راحتين التحاسيف=وأقول لا بالله ضاعن علومي
ضاعن علومي عقب مزيونة الريف=أنا اشهد(ن) الزين فيّه ضلومي
يا كم هموم القلب جني مراديف= ويا كم سهرت الليل ما طاب نومي
ويا كم لحقني من سببهم تكاليف=والحظ بارك جعل حضي يقومي
أنزل و قلبي ذابحه لاهب الصيف=واصبر على شانه بَلَفح السمومي
اليوم يا نياف كيف العمل كيف=حيثك رفيق(ن) عارف(ن) بسلومي[/poem]
رد مع اقتباس
المشاركة الأصلية كتبت بواسطة محمد الدغيري
