[poem=font=",6,white,normal,normal" bkcolor="black" bkimage="" border="none,4," type=2 line=0 align=center use=sp num="0,black""]
أقسى من الدمعه على خد انسان=دمعة جروح الغدر وسط المحاني
تبكي عيونك دم وتجر الالحان=ويضيع عمرك في دروب الاماني
اكبر جروح الوقت مهانه وطغيان=تحب واحد عشقته انسان ثاني
تطرد ورى دربه ميادين واوطان=وتعود خايب شايل الجرح عاني
قلبه مع غيرك وقلبك معه هان=انت الضحيه يومه اليوم جاني
الحب في هالوقت كذبه وخذلان=قلبا مجرد من شعور وحناني
تخون من هو في محبتك قد صان=وتصون من هو في محبتك خاني
تبيع من هو يشتري رضاك خسران=وبحب تشري من يبيعك هواني
تنسى وفى من هو يودك بنكران=وفي داخلك قلبك يقول مانساني
وتشهد جفى من هو يصدك بعرفان=وفي داخلك تسئل علامه جفاني
تذل من هو حط لك قيمه وشان =وتعز من هو ذل شخصك وهاني
سبحان من غيرك ياصاح سبحان=ماعاد لي في وسط قلبك مكاني
ابسئلك ويش منطقك من اللي قد كان=قد ضاع مني العمر قبل الاواني
مسكين من هو مثلي اليوم انسان =يطرد ورى واحد يبي انسان ثاني
باكر يدور الوقت وتشيب الاغصان=وتطيح اوراق العمر في ثواني
وتتشابه بدرب الشقى كل الالوان=وقلوب خلق الله من الحب تعاني
اقسى من اللي قلته اليوم يافلان=عمري خساره فيك والعمر فاني
هذي النهايه واول فراقنا حان=ويش بعد جرح الغدر وسط المحاني[/poem]
خالد الغامدي
رد مع اقتباس
