هذه قصيدتي في ولي العهد صاحب السمو الملكيي الامير/ سلطان بن عبد العزيز آل سعود
وأليكم القصيدة
ا
ابطيت يـادرع الجزيـرة وسورهـا
وامتك من بعـدك تزايـد حرورهـا
شفقانت(ن) من طولت البعـد والنايـا
من بعـد غيبتكـم تجـرع مرورهـا
تـذرف عبايرهـا وتدعـي لربـهـا
انه يجيرك مـن عضايـم شرورهـا
وتشاركك مشاعـر الحـزن والعنـا
والنار تسعر في محانـي صدورهـا
متى يجي طمـام عـذب المشـارب
متى يجـي طمـام طامـي بحورهـا
متى يجـي سيـد الكواكـب قمرهـا
متى يجي سيـد الكواكـب ونورهـا
متى يجـي غيـث البـلاد وربيعهـا
وتنبتبـه البيـدا نـوادر زهـورهـا
متى يجي هيدوج مسقـي العطاشـى
محيـي نواميهـا ومحيـي جذورهـا
متى يجـي عـون الثكـالا وديعهـا
ملاذهـا عـن سـو بقعـا وجورهـا
متى يجـي ليـث العروبـه حماهـا
قايـد مقاودهـا وقـايـد نمـورهـا
متـى يجـي بهـاج بحـر المكـارم
مدخل على نفوس الحيارا سرورهـا
متى يجـي تـاج المراجـل فخرهـا
قمة جبال الارض عالـي حجورهـا
يا منجي(ن) ذنون مـن غبـة البحـر
من بطن حوت(ن) في غياهب دجورها
ياعلمـن يـوم القيـامـة وساعـتـة
ياموكل اسرافيل فـي نفـخ صورهـا
آميـن يافـلاق الاصبـاح والـنـوى
انه يجيرك مـن عضايـم شرورهـا
رد مع اقتباس
