المشاركة الأصلية كتبت بواسطة زبن بن عمير
[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ودعتكم من لايخون بوديعه=اللي جمعني فيكم سنين وايام
تكفون لامرت طيوفي سريعه=ترحموا لي عند خلاق الانام
ومن كنت انا مخطي عليه بذريعه=عساه يسمح لي بما كان مادام
ويامن نشد عن حالتي بالطبيعه=ياخذ علومي من فوادي للاقلام
والله لانامت عباده هجيعه=تزفني جملة هواجيس والالام
واللي يظن لي دروب وسيعه=لامن ما مشيت الدرب يطول قدام
ماجاتني سهله ولاهي خديعه=ولاهيب ورث اخوال واجداد واعمام
ولاتخطيت الحصون المنيعه=ولاحكمت الناس ثم صرت ظلام
مير انها جتني على مااستطيعه=على معزة ماهي نفاق واجرام
هذي هي احوالي عساها رفيعه=عساي في دنياي ماكنت نمام
والحين انا اكتبها واشوف الوسيعه=تضيق فيني يم هدام الاحلام
مدري نهاية عمر او هي طليعه=يم الخلود وجنة مابها اثام
قصة مودع ماكتبها خليعه=الا صدق ماخطها يرجي اكرام
يالله لاتجعل وفاتي شنيعه=عساك تجعلها على صيام وقيام
وانت الذي ماهو يخون بوديعه=ترحم (زبن) وتخفف حمول الانام[/poem]
رد مع اقتباس
