رد .. كـــــنـــــدا ..!!

[محمد نايف العتيبي]

السلام عليكم ورحمة الله وبركاته


فالبدايه .. كل عام وانتم بخير


اخوي الشاعر ../ نواف الشمري

نزل قصيده بعنوان كــــــــندا , الحقيقه اخو وعزيز وغالي ودايم اسأله عن دراسته هناك عسى الله يوفقه , وبـ هالمناسبه اقدم له التهنئه بأنه تم قبوله في جامعة كندا لحساب البعثه , بعد ان قضى سنه هناك واجتاز الاختبار ولله الحمد ..


ويسعدني ويشرفني ان ارد عليه بـ هالابيات عسى ان تنال اعجابكم ..



نواف يقول .:


[poem=font=",6,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يا صاحبي محمد ترى صاحبك ذيب =ما راح من ديره علشـان ديـره
راح يتعـلا شامخـات المراقيـب = ماهمته سـاره وغمـزه سميـره
أغيب عن دار الرخا والمواجيـب =وأرجع لداري بالعلـوم السفيـره
لو خابت الدعوه معي ماهي تخيب=أجبر حصون القلب لو هي كسيره
حتى لو أني عشت غربه وتغريب=وحتى ولو ما شفت غير الحصيره
أهم حاجـه ماخسـرت التراحيـب=الا مـن اللـي مالعمـره مسيـره
هذي علومي يامحمد وأذا أغيـب=ماغبت عن راع العلوم السفيـره
[/poem]



نواف هذي الابيات والمعذره على القصور :


[poem=font=",6,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يامرحبا واثني عليك التراحيب =ياواحد ٍ للطيب رشّح سفيره
نواف مثلك مايروح على عيب=انته كفو للكايده والعسيره
ان غبت وان ماغبت سباق للطيب=تصبر ولو غربتك هذي مريره
نواف مايلحقك شك ٍ ولا ريب =مدام عينك للشهاده سهيره
يالله ياربي وياعالم الغيب=انك تسهل له دروب ٍ يسيره
ماغاب عن دار الرخا والمواجيب=الا يبي علم ٍ صعيب(ن)لغيره
ومن يم راع الطيب جتني مكاتيب=عز الرفيق اللي يدور شويره
حطيتها بين الضلوع المحاديب=رسالة ٍ للطيب منهج وسيره
[/poem]




تحيتي للجميع ..,


م ح م د ..!!

[ليــن القســا]

صدى رائع لصوت عذب ..بإطار من سلاسة
أسال الله أن يعينه ويوفقه ..ويديم مابينكما من صفاء ومودة ..

[الغنامي]

أخي محمد العتيبي

كل عام وانت بخير ..

والف مبروك قبوول أخوي نواف الشمري الدراسه على حساب الدوله

وصوت وصدى من أروع القصايد

صحت ألسنتكم



تقبل مروري


الغنــآآمي ..

[جارح الكسر]

الشهر مبارك ان شاء الله

وأسأل الله أن يدوم الود

صحت ألسنتكما

يا محمد

ونواف

تقبلوا مرور أخيكم جارح الكسر

[خــــالـــــد]

[align=center]
صح لسانك ولسانه

مبدعين الله لا يحرمنا إبداعكم

لا هنت يالغالي

ولا تحرمنا جديدك
[/align]

[شاعرة نجد]

صح لسانك يامحمد

ولاهنت على هالجزله..أبدعت طال عمرك

وصح لسان نواف والله يوفقه ويحقق آمااله

تقديري للشعر الجزل’,,

[أبوعبدالرحمن]

صح لسانك ولسانه

صدى رائع


والله يديم الاخوة


تحيتي لكم

[(* الوفـاء طبعي *)]

صح لسانك
ويسلم قلبك
ويعطيك العافية

[أنـ الذكريات ـين]

صح لسانك ولسانه

والله يديمها صحبة

تحيتيـ

[محمد بن ضاوي]

محمد نايف العتيبي ,,,

وافي يامحمد وعسى الله يديم الرفقه اللي على عز


صح لسانك ولاهنت

[نايفة شمر]

صح لسانك مليون ولا يكفون انت والشمري

[عبدالعزيز نايف]

صح لسانك يابو نايف



والله يقبل دعوتك



ويرجع بالشهاده


قصيدة رائعه يامحمد ورد وافي وشهادتي فيك مجروحه




صح لسانك \





تحياتي

[احمد مناحي]

محمد بن نايف العتيبي

هلا بك وغلا

صح لسانك الى رضاك

صدى رائع لصوت رائع ..

نواف يستاهل وانت وافي والله يديم المحبه وخوة المعزه ..

مبدعين الله لايضركم

تقبل مروري

[(* الوفـاء طبعي *)]

صح لسانك
ويسلم قلبك
ويعطيك العافية

[ببتعد]

يعطيك العافيه اخوي محمد

انا اشهد انك ماقصرت وربي يديم المحبه بينكم

ويرجعه رفيقك من الغربه


سلمت اناملك


تحيتي لك

سوسو