[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جت شياطين القوافي واشعلت نار الحروف =والخفوق اللي يحبك اسأل النيران عنّه
اسأل جروحٍ بقلبي مثل طعنات السيوف =واسأل دموعٍ بعيني ليه غيرك مابكنّه
كنت أشوفك في عيوني ماخذٍ كل الوصوف =ونارك اللي أحرقتني كنت أقول النار جنّه
كنت أعاني في دروبك وكان لي قلب عطوف =واتحمل منك غلطة وداخلي مليون ونّة
الليالي عذبتني وأنت بعيونك تشوف =لا تقول أن فيه غيري الليالي عذبنّه
لا تقول ولا تقول ولا تعذر بالظروف =مااعتقد إن فيه عاشق الظروف يعقدنّه
ليت لك عينٍ تناظر وليت لك قلبٍ يروف =في حبيبٍ كنت روحه والخطأ ما جاك منّه
ادري انك بعد حبي قمت تصفق بالكفوف =دام أنا اغني جروحي هاك جرحك أنت غنّه
الغلا له فن واحد وانت فنك بالألوف =وانت ضيعت الغرام وضاع من يديك فنّه
طحت كلك من عيوني لا تفكر بالوقوف =ولا تحاول في خفوقٍ أنت من خيبت ظنّه
حبك كتابٍ نسيته وبتركه وسط الرفوف =ولا ابي اقرأ كتابك ولا المشاعر يقربنّه
اوعدك بنسى زمانك واترك الماضي يطوف =ما سمعت إن المفارق بين كل اثنين سنّة!! [/poem]
رد مع اقتباس
