*
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عندي خطا غيرك من الناس مقبول=ألا خطاك أحس به في خفوقي
تخطين مرة بعد مرة وأنا أقول=روفي علي وأعطيني أبسط حقوقي
يرضيك كل اللي تسوين معقول=فيني وأنا أعدك غرامي وذوقي
لا حول من جرح المحبين لا حول=ما يوصفه حافظ ولا ولد شوقي
علي لأبعد كان هالوضع بيطول=لأن الكرامة في مجاري عروقي
أبقى عزيز النفس بالعرض والطول=ما هنت نفسي لو على حساب شوقي
أنا مقام سهيل وشموخ أبو الهول=أنتي نسيتي أنك تحبين روقي
وأنا ما بين الناس مانيب مجهول=كلٍ يقول اسمي ويذكر طروقي
بسامحك دام العذر منك مأمول=وإن اعتذرتي فاسكني وسط موقي
وانا معك أبرجع أصول وأجول=وأعيش مع حبك وابنسى حروقي
ولا صرت أنا في عيونك السود مشغول=بالله يا بنت الأجاويد روقي
خليني آخذ سجة العشق وأنول=وأبيع واشري في محاصيل سوقي
تدرين كل اللي يجي منك مقبول=ما دام حبك مسكنه في خفوقي[/poem]
سعد عبدالرحمن