][ يهمني رايكم جدا جدا ][

[! نوران !]

سؤالي لكم :

هل في حل ثاني لمساعدة هذي الشغالة وإنقاذها من الجارة ؟

ولو انتوا مكاني ايش راح تسووا ؟

والله يانوران لو أنا مكانك مدري وش بسوي بس أعتقد أنه ماراح أرتاح ولايهنالي عيش زي مايقولوا لين ألقالها حل..

بقولك شي أذا سفرتوها أو خليتوها تهرب يمكن تتعرضون للمسائله القانونيه ويمكن بعد جارتكم تلفق لكم تهمه وتروحون فيها لاسمح الله ..اللي مايخاف الله مايستغرب منه شي

مدري لو تطلبين منها تعيرك الشغاله مره ثانيه وتبلغون الشرطه تجي تستلمها من عندكم أو تودونها لأي مركزشرطه وهم بيتصرفون بس قبل هذا لازم تتابعون القضيه أول بأول بعد مايستلمونها الشرطه وهذا مهم جداً.. لأن بعض مراكز الشرطه ماتعير مثل هذي القضايا أهتمام أسأليني أنا..يمكن يكتبون محظر وياخذون تعهد على الكفيل وبعدها يسلمونه الشغاله وفي هذه الحاله بتكوني جنيتي عليها بدل من أن تساعديها..

مدري هيئة الأمر بالمعروف والنهي عن المنكر لهم علاقه بهذا الموضوع ..لأنهم ملجأ من تقطعت به السبل بعدالله جزاهم الله عنا كل خير ..بصراحه ماني مرتاح لمسألة تسليمها للشرطه بس يمكن هو الخيار اللي يخليك تريحي ظميرك وتساعدي هالمسكينه حسبي الله ونعم الوكيل على كل متجبر

ومين قلك ياقيس اني مرتاحة بالعكس بالي مرة مشغول عشانها

ولا ماكان نزلت موضوع وطلبت رايكم عشان الاقي الحل
لاني جد احترت واحس اني مشوشة
اشوف وحدة تتعذب قدامي من غير وجه حق ومو قادرة اسوي شي

كلمت اخواني عن الشرطة قالوا بلا جونان
راح نحط نفسنا في مشاكل مع الشرطة والجيران
واحنا مانبغى شوشرة نبغى كل شي يجي عن طريق الشغالة
وانها هي اللي بلغت عشان كذا قلت يمكن راي قاصد خير الاقرب

الله يعطيك الف عافية قيس
على مرورك العطر

[ضــيء]

ياالله في ناس قلوبهم كذا قاسيه
واقسى من الحجر !!
كيف ينامون مرتاحين او يحسون بالسعادهـ
وهم يظلمون مايخافون من دعوهـ المظلوم
وربي ناس عجيبه ولا المشكله يسبون الزمن
والدنيا والبلا كله من البشر الي عايشين في هـ الدنيا
ولو صلحت قلوبهم ونواياهم صلحت دنيآهـم !!
بس وش نقول اذا الكلام ماينفع معاهم
والله ياقلبي المشكله احسها معقدهـ
واخاف تدخلين نفسك في مشاكل انتي في غنى عنها
واذا جارتك ماعندها قلب ولا تحس ..
انتبهي تسوين شي تندمين عليه بأمكانها تتبلى عليك
وتحط كل شي على راسك .. انتي بس خططي
مثلا مثل ماقالوا الاعضاء الي قبلي
والشغاله هي الي تسوي كل شي
خليها هي تكلم سفارتها وتقولهم كل الي عندهـ
وبعدها هم يتصرفون بس بدون ماتدري الجارهـ
انه عن طريقكم .. وربي مسيكينه هـ الشغاله
طاحت بيد انسانه ماترحم يلا الله يعينها
ويساعدكم على الحل المناسب
قلبي نــــــوران
مبرووك حبيبتي الاشراف
مع انها متأخرهـ بس اكيد بتقبلينها مني ^_*
وربي تستاهلين الخير كلـــه
الله يسعدك ويسهل عليكم

[خــــالـــــد]

[align=center]

يعطيك العافية أختي نوران على ما تفضّلتي به , والله يجزاك خير على حرصك لـ فك أسر هذه الخادمه من جحيم هذه المرأة ..
قضايا الخادمات ومفكوليهم .. لا يمكن أن نقف عندها بشكل سليم فعلاقاتهم مع بعض كـ الداهليز المتصلة لا نعلم خفايا البيت , ولا نعلم دوافع هجوم وشدة هذه المرأة على الخادمة ( مع إني لا أؤيّد عملها ) ..

بإمكانك مساعدة هذه الخادمة بعدّة أمور إمّا بالاتصال مباشرة على المكتب الذي استقدمها وهو مسؤول عن ترحيلها إذا وجد هذا المكتب بأن البيت التي تعمل فيه الخادمة يعذّبها أو لا يدفع رواتبها .. أو ترفع الخادمة شكوى للشرطة وتبيّن لهم بأنها لم تستلم أي راتب وأن مدّة عقدها انتهت والشرطة هنا ستقوم بـ الإجراء اللازم عندما ترى مسيّر رواتبها .. ولديك أيضاً مكتب العمـل لوزارة الداخلية أيضاً سيكون له دور في هذه القضيّة ..

والله يكتب أجرك


[/align]

[مياس]

معقوله ياربي فيه انسانه بذي القسوه والظلم الله ع الظالمين ان شاء الله ...ومسكينه هالشغاله طاحت في بير مالها منه مفر...بصراحه احترت وانا افكر بالحل المناسب بس الظاهر مالكم اللا تهربونها ولا تقوليلي حرام الحرام بام عينه انكم تتركونها عند المجرمه هذي حاولوا تعطونها فلوس تمشي به حالها كمن يوم وهربوها واللا بلغوا الشرطه...هذا راي ولو كنت بدالك ماترددت ولا دقيقه حتى...مياس

[! نوران !]

صباح الخير يا اختي في الله نوران

السلام عليكم ورحمة الله وبركاته
أولاً : مبروك عليكي الاشراف وتستاهلي
ثانياً : جزاك الله خير على طرح المشكلة لان فيها عبر ومواعض كثيره
ثالثاً : الحل
المثل يقول (الي مافيه خير في اهله مافيه خير للناس)
وهذا المثل ينطبق عليها
اخر العلاج هو الكي ( الكوي مكان الداء )
وفي رأي المتواضع هو اللجوء الى السفاره عن طريق ارسال رساله منها
بالبريد (تحكي فيها معناتها مع هذه الجاهلة )
وتستاهل اي شي يحصل لها

ودمتم سالمين من كل شر

الله يبارك فيك الجبر والهندسة

وفعلا هذا اللي بسويه السفارة

يعطيك العافية
شاكرة تواجدك العطر

[! نوران !]

مدري المشكلة عويصة .. لكن ما ينفع تبلغي سفارة بلادها بسريه تامة.. وبهذا أبرأتي ذمتك و انتقلت التبعة شرعا ونظاما إلى حكومة بلادها...


أهم شيء ابقي أنت خارج الموضوع مادام حال الرجل وزوجته مثل ما تفضلتي ..
لأن الخادمة مصيرها ترد بلدها لكن هذا جار .. يعني كل يوم وجهك بوجهه
الله يعينا وإياك اخت نوارن .. على بلاوي الزمان..


تحياتي لشخصك الكريم ..

كيف بسرية تامة ؟
هو مااقدر الا اني اجيب الشغالة عندي وهي تتصل فيهم بنفسها
او زي ماتفضل الاخ الجبر والهندسة عن طريق البريد
وبهذا تفتك منهم

شاكرة رايك ومرورك العطر
اخ صقر تميم

[مطفي النور]

بسم الله الرحمن الرحيم

صراحه اجيه اول شي ونصحه اذ خافت ربها في المسكينه كان بها وذا مافيه او مالها اعلااج
والله ثم والله لبلغ حقوق الانسان عن هذا الحيوان

[دفا المشاعر]

بسم الله الرحمن الرحيم

أختي الغالية جداً وفي الله .. نوران

كرري وداومي بالنصيحة لجارتك

وذكريها بتقوى الله ومخافته / وامسكيها من النقطة الحساسة في الدين

بأسلوب إقناع بأمثلة معينة مثل :

قولي لها إن إنت مت بيدعوا الناس عليك وخاصة الشغالة إنه ربي ما يرحمك
إنت ظالمة واشرحي لها قضية الظلم العظيمة بالدنيا والآخرة
قولي لها الحقي واستغفري ربك واستسمحي من الشغالة قبل ما يقضى أجلك
وكمان قولي لها حقيقة فعلية هي إن استمرت بالجبروت الطاغي يمكن الشغالة تقتلها أو تسحرها
لأنه الشغالات وخاصة الأندنوسيات فيهن سمة الانتقام
وذكريها بالموت وعذاب القبر والآخرة


هنا إن تأثرت فهذا معناه أنها أيقظتِ فطرتها واستيقظ ضميرها وستبدأ بالتراجع ومحاسبة ذاتها
وإن لم تشعر فهذا العياذ بالله إثبات أكيد أنها تعاني من مرض نفسي تحتاج لمستشار نفسي يساعدها في العلاج

ودي

[! نوران !]

ياالله في ناس قلوبهم كذا قاسيه

واقسى من الحجر !!
كيف ينامون مرتاحين او يحسون بالسعادهـ
وهم يظلمون مايخافون من دعوهـ المظلوم
وربي ناس عجيبه ولا المشكله يسبون الزمن
والدنيا والبلا كله من البشر الي عايشين في هـ الدنيا
ولو صلحت قلوبهم ونواياهم صلحت دنيآهـم !!
بس وش نقول اذا الكلام ماينفع معاهم
والله ياقلبي المشكله احسها معقدهـ
واخاف تدخلين نفسك في مشاكل انتي في غنى عنها
واذا جارتك ماعندها قلب ولا تحس ..
انتبهي تسوين شي تندمين عليه بأمكانها تتبلى عليك
وتحط كل شي على راسك .. انتي بس خططي
مثلا مثل ماقالوا الاعضاء الي قبلي
والشغاله هي الي تسوي كل شي
خليها هي تكلم سفارتها وتقولهم كل الي عندهـ
وبعدها هم يتصرفون بس بدون ماتدري الجارهـ
انه عن طريقكم .. وربي مسيكينه هـ الشغاله
طاحت بيد انسانه ماترحم يلا الله يعينها
ويساعدكم على الحل المناسب
قلبي نــــــوران
مبرووك حبيبتي الاشراف
مع انها متأخرهـ بس اكيد بتقبلينها مني ^_*
وربي تستاهلين الخير كلـــه

الله يسعدك ويسهل عليكم

انا عارفة انها ممكن تتبلى عليا اذا عرفت اني افكر اساعد شغالتها
لانها من الاساس تكذب علينا انا وصحبتي يوم سالناها على الشغالة
ايشبها كذا كانها مضروبة تقول لا ولاشي تلاقيها اتحرقت بالزيت
ولا طاحت والمصيبة
تكذب علينا وتقول ان الشغالة ظالمتها وتسرق منها !!!
الله يعين الشغالة على ظلمها وعندها رب ياخذ بحقها
لاتخافي غلاتي انا حذرة وان شاء الله اخذ بانسب الحلول
اللي تخليني بعيدة عن المشاكل

الف شكر عيوني على مرورك العطر
اللي اسعدني ونورني

[! نوران !]

[align=center]

يعطيك العافية أختي نوران على ما تفضّلتي به , والله يجزاك خير على حرصك لـ فك أسر هذه الخادمه من جحيم هذه المرأة ..
قضايا الخادمات ومفكوليهم .. لا يمكن أن نقف عندها بشكل سليم فعلاقاتهم مع بعض كـ الداهليز المتصلة لا نعلم خفايا البيت , ولا نعلم دوافع هجوم وشدة هذه المرأة على الخادمة ( مع إني لا أؤيّد عملها ) ..

بإمكانك مساعدة هذه الخادمة بعدّة أمور إمّا بالاتصال مباشرة على المكتب الذي استقدمها وهو مسؤول عن ترحيلها إذا وجد هذا المكتب بأن البيت التي تعمل فيه الخادمة يعذّبها أو لا يدفع رواتبها .. أو ترفع الخادمة شكوى للشرطة وتبيّن لهم بأنها لم تستلم أي راتب وأن مدّة عقدها انتهت والشرطة هنا ستقوم بـ الإجراء اللازم عندما ترى مسيّر رواتبها .. ولديك أيضاً مكتب العمـل لوزارة الداخلية أيضاً سيكون له دور في هذه القضيّة ..

والله يكتب أجرك


[/align]

للاسف خالد كلمنا المكتب عنها وقال غير مسؤلين
عن اللي يصير للشغالة
وممكن يسفروها في حال ان صاحبة الشغالة
وزوجها هما اللي يجيبوها المكتب بنفسهم
يعني معقدين الامور بشكل فظيع
وياخوفي لو اشتكت للشرطة مايصدقوها
الشغالة مغلوب على امرها
حتى هي تخاف تتكلم شكل اللي عندها
مهددينها بالذبح اذا قالت شي

يعافيك ربي اخ خالد
وشاكرة رايك وطلتك العطرة