[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
(ياطير) ياخفّـاق تكفـى بوصيـك=ممكن توصل لـي رسالـة ثمينـة؟
أجري ترى (ياطير) لا رحت بيديك=للي سكن ياطير باقصـى المدينـة
صوب الشمال هناك حولك حواليك=(حـي المخطـط) قبلتـه ساكنينـه
دوني ودونـه يانديبـي صعاليـك=دونـي ودونـه حوّلـوا والدينـه
قلت أرسلك (ياطير) مادام يمديـك=تاصل وليفن ماخـذ الريـم زينـه
قله: ترى لك صاحبن ميتـن فيـك=على أنتظارك ميتـن مـن حنينـه
يارد على عد اللقـا كـود يلقيـك=ويصـدّر امـن العـد ماتذكرينـه
يامـا تمنّـى لـو دقيقـة يحاكيـك=وياما تمنّـى مـن سمـوك تجينـه
مير الاماني بعضها صعب ياتيـك=وماكل شـي بخاطـرك تدركينـه؟
وماكل ماتبغيـن بيصيـر ويجيـك؟=يجري الهوا من دون شف السفينـة
وماكل من يضحك معك صار يغليك=وماكل باكي لـه دموعـن حزينـة
شفني أنا يامـا تمنيـت ألا قيـك؟=مير القدر سل السيـوف السنينـه
وحطّك بعيد الشوف عن عين مغليك=وصارت حياتـه فالتمنّـي سجينـة
وياكثرهم أللي ضحكوا مع محاكيك=لكن بعضهـم مانـزل فـي كنينـه
وياما من طيوفك بكت عين غاليـك=أمن الفرح هلّت من الدمـع عينـه
وهذي الرسالة ووصلت لي معاليك=فيهـا كلامـن حضرتـك تفهمينـه
أن كان هوّن خاطرك من تجافيـك=ردّي علـى الطيـر لا تلزميـنـه
وأن كان مالك خاطرن في محبيـك=الله يعـيـن القـلـب الله يعيـنـه
أخذي الرسالـة شقّقييّهـا باياديـك=والطير خله فـي دولابـك رهينـة
يمكن كـذا رب المخاليـق يهديـك=وماعندك ألا الطيـر ثـم ترسلينـه [/poem]