بسم الله والصلاه والسلام على افضل خلق الله
اعود لكم بعد غياب وكلي امل ان تعذورني على تقصيري ...
قصيدة متواضعة آمل ان تنال الرضا منكم ,
مشاريه غالي
[poem=font=",6,black,normal,normal" bkcolor="transparent" bkimage="" border="double,4,black" type=2 line=0 align=center use=ex num="0,black""]
(لاخاب ظنك بالرفيق الموالي = مالك مشاريه (ن) على باقي الناس )
بيت (ن) بعد جاني جوابك طرالي = ياصاحبي ياطيب الراس والساس
مشكلتك انك ما انت بأمري مبالي = ومشكلتي اني يا ابيض الوجه حساس
والله لو انك محاول رضالي = وماطاح بيدك شي/ لـ اقول لاباس
مير البلا بينت ما انته بحالي = ولا انته على شاني وانا ضعت محتاس
اكيد ماهو كبر ولا تعالي = ولا يدخلك من نية السو هوجاس
عرضك نزيه وخط سيرك مثالي = وشواربك تحشم عن دروب الادناس
لكن تردي حظ واول وتالي = الحظ كلمة حطها بين الاقواس
ان زان لونك شين ترقى المعالي = وان شان لونك زين تاليك تنداس
وانا احتملت وشلت فوق احتمالي = تجاوزت دعوى موازين وقياس
انا اقصرت عن جمة الما حبالي = صدرت ضامي والمعاليق يباس
وانا جرعت المر واقول حالي = ولازلت اذوق المر كاس(ن) ورى كاس
وانا بعد دارت علي الليالي = وضيعت هقواتي بالادنى من الناس
اكرب حزام الصبر لاضاق بالي = واكافح بكف الامل مخرز الياس
ذنبي لاني شيمتي راس مالي = واثاري الشيمة من ارصدة الافلاس
كل الخمال اللي لحقني خمالي = ضيعت مجلاسي ولا ادركت مجلاس
ياصاحبي شانك لو اخطيت عالي = واعتد بك مصدر معزه ونوماس
ماتسند الشرهه على غير غالي = ولا يعتني فيها سوى طيب الراس [/poem]
وسلاااااااااااااااامتكم
رد مع اقتباس
المشاركة الأصلية كتبت بواسطة احمد مناحي
