اتعبتني ياصاحبي وين اوديك
=-=-=-=- يومن حبيب وباق الايام جافي
احذر يجي لك يوم وازعل واخليك
=-=-=-=- ثم عاد دور صاحبك يالسنافي
والله لتبطي ماتجيني ولا اجيك
=-=-=-=- وانت اتعرفني زين ماانظر خلافي
مير العن الشيطان وارفق بغاليك
=-=-=-=- ثوب الجفا مايلبسه كل وافي
وانت الوفا طبعك ولافيك تشكيك
=-=-=-=- مير اخر الايام فيك اختلافي
قلي تعدتك المقادير وش فيك
=-=-=-=- اشرح لي الموضوع والجو صافي
ان كان قصدك والهدف من تجافيك
=-=-=-=- كاره فانا يابو الثمان الرهافي
تشوفني عاقبك والا امتعديك
=-=-=-=- الغايه اني عنك عجل انحرافي
لو كان مابالمملكه من يساويك
=-=-=-=- كرامتي تفرض علي انصرافي
رد مع اقتباس
)~
