[poem=font="simplified arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يا بو فهد لاهنت نحتاج فاصل=ماني مطول بس فاصل وواصل
يلومني من لاعرف ويش حاصل=المعذره يااخوان هذا اعترافي
اليوم متهيض وحبيت اولف=ماني بتنظيم البيوت متكلف
شخصيتي بالشعر شبه متخلف=مااحدآ فهمني غير وهج القوافي
عندي تجارب نابعه من تجارب=لو تختلف مرات فيها تقارب
توسطة مابين لحيه وشارب=حتى طريقي صار فيه انحرافي
انا دفعني للتنافس فراغي=واقول انا بالشعر مجرم وطاغي
وطاح العقال وطاح بعده شماغي=قدام ابن غسلان هاك السنافي
فتح ثغور ولا لقت من يدافع=وابو فهد مابين كابس ورافع
انا مهاجم صرت قدمه مدافع=اللعب على المكشوف مامن خوافي
اصبحت كني من حكومة حماسي=هذا وانا ماني بكادر سياسي
رغم الحياد اعيش نفس المآسي=اقرو كلام القلب قبل الاشافي
صحيح انا شاعر فدائي وصامد=ومولعآ ضوي ولاهو بخامد
وزني يقارب وزن ابن زيد حامد=مار البلا فواز شاعر خرافي
بأقول كلمة حق ماني مجامل=قلبي نطقها وكتبتها الانامل
انا ياابن غسلان مازلت صامل=لااجل التحدي فيه شوطآ اضافي
على الهزايم صاحبك ماتعود=من كثر حرصه في مساره تجود
حتى لو ان الدرب بيض وسود=اسوقها قدام والنور طافي
انا ظروفي في حروفي توزع=يمكن ممله بس لااحد يتجزع
على الغزل قام الهواوي تهزع=مادام ستر الله على الكل ضافي
الدمعه اللي حارت بعين عاشق=اللي لها بالجفن حارس وحاشق
اليا حبسها قام خشمه يناشق=لو قيل كافي قال ماهو بكافي
الحب ذره قابله للتخصب=بداية التشجيع قبل التعصب
حتى على قلبك حبيبك ينصب=ويفاوضك من شان عقد احترافي
لاياحبيبي صدر عواد واسع=وبداخله بردآ من الثلج لاسع
ارضا الخطا يالين ثامن وتاسع=والعاشر ابعد عنك والقلب صافي
المجرم اللي وسط قلبي تسلل=ومن الغباوه قلت آمر تدلل
انا وطيفه ساهرين نتعلل=واثر الحبيب ملتحف باللحافي
هذاي مشاعر شاعرآ مايكذب=مر بتجارب بالحياة وتعذب
ثرثار زاحف انطوائي مهذب=آخر لقب سموه ((ثلج القوافي))[/poem]
رد مع اقتباس
