بسم الله الرحمن الرحيم
العذر على الغياب الاضطراري والذي كان له اسبابه والذي شرحته لبعض الاخوان
هذه القصيدة بعنوان
((حط راسك يا اطرق العود))
وقد طرحتها قديما
ولكنني تفاجأت ان شاعرة دولة الكويت الشاعرة الكبيرة جروح الماضي قد قامت بمجاراتها مجاراة رائعة
لهذا سأضع قصيدتي ومن بعدها قصيدة شاعرة الكويت الشاعرة الكبيرة : جروح الماضي
قصيدتي (حط راسك يا اطرق العود)
,,
,,
حطّ راسك يا أطرق العود أنا ماني رسول
.......... عادتي لا شفت غصـنٍ يميـل آمايلـه
في جمالك وش عسى كلّ ما نكتب يقول؟
.......... وانت من شافك خطيرٍ يضيـع القايلـة
فتنتك ما حاشها فوق وجه الأرض زول
.......... هايلـة وبكـلّ معنـىً نقولـه هايلـة!
لعنبو قلـبٍ يحبّـك ولا صـار مْهبـول
.......... يـا منسّينـي انتمائـي لذيـك العايلـة
حسنكم مـا يفتـن ألاّ مكبّـرة العقـول
.......... والاّْ راع النقص ما احدٍ عليكم سايلـه
ما تشوف شلون شمسك ولا مرّةْ تزول
.......... والشموس اللي سواها لوابْطت زايلـة
لو تطبّ بديـرةٍ يابسـةْ قشـراً محـول
.......... لا تعجّب لـو تشـوف اوديَتْهـا سايلـة
من يشوفك تظلم الساق بقْصار الحجـول
.......... كيف له ما شاف برق الربيع وخايلـه؟!
من ثلاثك يالغضي ودّي اركب لي رحول
.......... لين اشوف الحايلي ممسيٍ في حايلـه
غير سبعٍ فوق سبعٍ ولولٍ عـضّ لـول
.......... خابرٍ لي شيٍّ اعظـم ولانـي قايلـه!!!
خصرك اللي يوم هز السما عرضٍ وطول
.......... مثـل طفـلٍ لا تزيعـل علـيّ آحايلـــه
من لبن! من خيزران! الوكاد إنّه يهـول
.......... بْرغم ما فيـه سـوّاه غيـره شايلـه!!
أهيفٍ من طيبته مـا عـرف ذولا وذول
.......... والاّْ كيف يشيـل ردف بثقلـه غايلـه!!
لو تطبّ الملعبة مـن تهامـة للفضـول
.......... حرّمت تلعب على القاع شقـر آصايلـه
كلّ غصنٍ يا اطرق العود لو حتّى يطـول
.......... أنت منه اطـول وعادتـك راع الطايلـة
.
.
.
وهذه مجاراة شاعرة الكويت الكبيرة:
جروح الماضي
والتي اعترف انا انها أعظم شاعرات الكويت بعد عابرة سبيل في نظري أنا
خاصةً بعد قصيدتها المشهورة (خيّال الكحيلة)
جيت لك يامارد الشعر والمعنى يصول
.......... في ضميري استفزه وأجيـب أصايلـه
واستميحك بالقصيده عسى الطالب ينول
.......... بعض جودك يالكريم وينـول الطايلـه
شاعره والنظم عندي على معنى وقول
.......... ماتخيب ظنون فكري لاجيـت اسايلـه
ماعصاني لابغيته على كـل الفصـول
.......... لو أصالي حامي القاف عـز القايلـه
في ربيعٍ في خريـفٍ ويابـرده يهـول
.......... غصب عن انفه اجيبـه بيـوتٍ هايلـه
والشهاده ماخذتها بشعـري والفعـول
.......... مامشيت بـدرب ذلٍ ولانـي مايلـه؟؟
من بغا العليا وصلها اذا كانـت ميـول
.......... مايهاب مـن المسافـه و دنيـا زايلـه
مايهمه قول حاقد عسى عين النضـول
.......... تنفضخ من قبل يقـرا قصيـد النايلـه
يامليك الشعر شعرك يناطح له سيـول
.......... ثارت الامواج وازرت تـرد العايلـه
مابدع غيرك بحورٍ وانا للحـق اقـول
.......... عادتي لاشفـت بـرقٍ يلـوح أخايلـه
شاعر الثقلين ناصر سبا كل العقـول!!
.......... في عقل شايب وهيكل شبابٍ شايله
اي نعم نايف عليهم ونجمـك مايـزول
.......... راجحٍ ميـزان شعـرك وانـا بكايلـه
وان وصلك الرد هايب وهو منك جفول
.......... برسله وان عاند القـاف انـا بحايلـه
واقبله مني ولو صاب شخصك بالذهول
.......... من صغيره للشموخ ارسلـه واهايلـه
والختام أزكى تحيه على أزكى رسول
.......... والبيوت مشيـده فـوق مهيـب آيلـه
وهذا هو رابط قصيدة شاعرتنا الكبيرة جروح الماضي كما جاء
في احد مواقعها:
اضغط هنااااا لقراءة القصيدة
رد مع اقتباس
