وأخيراً عبدالرحمن يعتق رقابهم ويقول أحمدوا ربكم !!

[عـادل التميمي]

السلام عليكم ورحمة الله وبركاته



علمت مصادر شبكة العالمي أن [light=FFFF33]الشيخ[/light] خالد البلطان

سيتولى رئاسة نادي النصر ، بينما سيتولى الأمير عبدالرحمن بن سعود رئاسة هيئة أعضاء الشرف

و سيكون الاستاذ فهد الطخيم أميناً عاماً للنادي .

و يُنتظر أن يتم الإعلان عن ذلك رسمياً يوم الأحد القادم .

من جهة أخرى قدم الشيخ منصور البلوي رئيس نادي الإتحاد و عضو شرف نادي النصر

دعماً للإدارة الجديدة يقدر بخمسة ملايين ريال .

منقول من العالمي .
------------

يالله مبروك أفتكيتوا من الرمز

وجاكم الشيخ :D

الله يالدنيا البارح كانوا يضحكون على الشيخ صالح كامل

واليوم ما شاء الله مسك النصر مشايخة

الشيخ خالد والشيخ منصور :D :D :D


تحياتي ومبروك الشيخ قصدي الرئيس الجديد


الغريب

[أبوعبدالرحمن]

توهقوا النصراويين

كانوا يرمون فشلهم على عبدالرحمن بن سعود

مدري السنة الجاية وش بيقولون اذا طلعوا بدون اي بطولة

بيقولون الحكام يجاملون الهلال عشان رئيسه صاحب سمو ملكي

[الصويب]

[align=center] الله اكبر نسينا رئيسكم العام من هو


الشيخ \فيصل الشهيل


او الشيخ \صالح الصقري[/align]

[الأميرة الناعمة]

يعطيك العافية غريب

----

هو انتو للحين هلال ونصر :)

[مفرح بن مناحي]

كاتب الرسالة الأصلية الصويب
[align=center] الله اكبر نسينا رئيسكم العام من هو


الشيخ \فيصل الشهيل


او الشيخ \صالح الصقري[/align]

:برافو: :برافو: :برافو: رد جميييييييييل ... ويؤكد إن المعلومات أحياناً تخون الشخص ..

وبعدين من قال إن النصر يضحكون على صالح كامل .. أو الشيييييييخ منصور البلوي ..

الهلاليين هم اللي مقهوووووورين من منصور وصالح كامل ... وخصوصاً منصور البلوي ..

========

الصويب الغااااااااااالي .. تسمح لي اقتبس من موضوعك ( اللهم لا شماته ) ..

لم يشهدها التاريخ الهلالي سوى هزيمته من فريق توتنجهام فورست الإنجليزي بـ(9/صفر) قبل (3) عقود من الآن،

ترى موقع نادي نتوتنجهام موجود .. لمن أراد التأكد

صحافة تخفي الحقائق ماذا تتوقع من جماهيرها :بفكر:


أخوي الغالي الغريب .. والله إني مقدّر وضعك النفسي من الخسارة المذلة للهلال .. ولكن حذف المواضيع جزافاً .. ترى ما يترقع :)

وبعدين أنت مسجّل في منتدى العالمي بأي اسم .. لا يكون ( عاشق ماجد ) :تصفير:

وأتمنى من كل هلالي إنه يوسّع صدره .. ويأكل (خمس) بيضات << لون الشارقة ,, الساعة (خمس) العصر من كل يوم .. تراها مفيدة للحواس ( الخمس) :p

تحياتي

سهم المنايا

[خــــالـــــد]

حنا ماضحكن عن الشيخ .. لكن غيرنا ضحك :)

ألف ألف مبرووووك لكل نصراوي هذه الصفحة الجديدة ...

وبالتوفيق للعالمي مع شيخهم خالد البلطان


<<<=== الشيخ خالد




تحياتي

[عـادل التميمي]

أول شيء مرحبا جميعاً

طيب أخوي الصويب

أنا منزل موضوع عن رئيس النصر مب السلنتح إلي حولة

ثاني شيء وش الشهيل والصقري

متى مسكوا الهلال ؟؟

<===== شكلة كان مو موجود في السعودية يوم مسكواالرئاسة :بفكر:

طيب عيوني الصويب ولا تزعل الشيخ الشيخ أهم شيء الرمز وأفتكيتوا :تصفير:

[عـادل التميمي]

حيالله سهم المنايا

وش القصة وأنا أخوك ؟؟؟

لو حبيت نجيب قلم وورقة ونحسب وش أكبر نتيجة هذا الموسم

ستجد بأن الخمسة هي لنصر وليس للهلال

5-2 = 3

يعني فرق 3 أهداف لمصلحة الشارقة

6-1 = 5 أهداف لمصلحة الشباب

يعني :بفكر:

كيف الحال ؟؟؟؟

------------

وسالفة الصحافة لازم نتفق أنا وياك

ألحين فيه صحافة هلالية وصحافة نصراوية

ولنفرض جدلاً بأن هناك مباراة بين الهلال والبرازيل وخسر الهلال 20 - 1

وش المشكلة ؟؟؟

عطني مناسبة ثم أكتب إلي تبي :تصفير:

---------

أنا ما سجلت لا في النصر ولا الهلال ( وبصراحة أكثر أنا ما أكتب إلا في غرابيل فقط )

وعلى فكرة ما يشرفني للأسف إني أسجل في منتدى العالمي

وذلك لخروج الكثير من الأعضاء عن الأخلاق وحتى البعض منهم يتعدون حدود الدين .

أنا متصفح فقط وناقل أحياناً .

وعلى فكرة أنا كنت ولاحظ إني كنت أتفرج على النصر

وأحب لعب محيسن الجمعان فقط


--------------------

وقبل ما أنهي ردي أنت فاهم وش أقصد بالشيخ صالح كامل أو لا ؟؟؟

طيب لتوضيح

كنت أجلس مع مجموعة من الشباب لنشاهد القرعة ( البطولة العربية )

وسمعنا كلمة الشيخ صالح كامل

وقال ذلك النصراوي ( أمحق من شيخ ) أجل كل من معة فلوس صار شيخ

الله يذكر الشيوخ والمطاوعة بالخير .

وقبلها كان ذلك النصراوي يعلق كثيراً على موضوع منصور البلوي

ويقول ليه ألحين ذا التفخ يقولون عنه شيخ ؟؟؟

------------------

وأنا من خلال هذا الموضوع أقول له

ذهب الرمز وأتاكم الشيخ

--------------

سهم المنايا

ألحين النصراويين كلهم مبسوطين من هزيمة الهلال لأنه هلال وإلا مبسوطين

من كثر الزعل إلي فيهم ؟؟؟؟؟؟

على العموم أبشركم الهلاليين كلهم بخير وصحة وروحهم المعنوية عالية

ولم يتوفى أحد كما حدث لجارنا فريق النصر :تصفير:

على العموم السنة الجاية ( إن الله أحيانا ) راح نشوفكم

ولتكن هزائم الهلال المصدر الوحيد لأفراحكم

خذوا القلم والورقة ودونوا عدد خسائر الهلال

فهي بطولاتكم القادمة

تحياتي

الغريب

[عـادل التميمي]

هلا هلا عشق ليل

تدري عاد

بكرة بيقولون سمو الأمير ( قوي وعندة واسطة ) أما خوينا ( خالد البلطان )

ما عندة ظهر وناكبنا :D :D :D


إلا على فكرة لو طلع لنا بكرة البلطان وجلس يسب عن طريق الإعلام

ويقول إن الحكام مرتشين أو متأمرين

تتوقع إن الرئاسة العامة للإتحاد السعودي راح يطيرونه مثل

هلال الطويرقي ؟؟


تحياتي لك

أخوك الغريب

[عـادل التميمي]

هلا أختي حساسة

أية وأقولها لك

إلى بكرة هلال ونصر

تدرين ليه ؟؟



لأننا فاضين :D


تحياتي لك يالهلالية <=========== بيوهقها :) :D
أخوك الغريب

[عـادل التميمي]

حيالله الشيخ خالد

( أجل البلطان أحسن منك ) ؟

أنا أتمنى مثلك إن النصر يتحسن

أو على الأقل ينافس على البطولات مب مثل ذا السنه

على العموم الله يستر ما تكون السنة السابعة ويدخل فيهم سبع أهداف ويصير ترتيبهم السابع :تصفير:


تحياتي

أخوك المحب الغريب

[مفرح بن مناحي]

أخوي الغالي .. الغريب

أعصابك وأنا أخوك .. ترى الهزيمة ما تستاهل كل هالزعل :تصفير:

نجي لردودك :

كاتب الرسالة الأصلية الغريب
أول شيء مرحبا جميعاً

طيب أخوي الصويب

أنا منزل موضوع عن رئيس النصر مب السلنتح إلي حولة

السلنتح

ما فيه أحسن من الكلمة هذي :بفكر:

كاتب الرسالة الأصلية الغريب
لو حبيت نجيب قلم وورقة ونحسب وش أكبر نتيجة هذا الموسم

ستجد بأن الخمسة هي لنصر وليس للهلال

5-2 = 3

يعني فرق 3 أهداف لمصلحة الشارقة

6-1 = 5 أهداف لمصلحة الشباب

يعني :بفكر:

كيف الحال ؟؟؟؟

الحال منصوب :p

بعدين وش سالفة الفرق ثلاثة والشباب عطاكم ستة وصارت خمسة ... اذكر أنا يوم انهزم النصر بستة من الشباب ما قلتوا انهزم بخمسة قلتوا ستتتتتتتتتتتتتتة ولا جبت طاري للفرق والورقة والقلم ... عرفت الحين من اللي يتغير كلامه حسب مقتضى الحال ,, يعني بالعربي .. الأعذار جاهزة عندكم .....
وحنا نتكلم عن خمسة الشارقة ما جبنا طاري للشباب .. وبعدين لا تنسى ثمانية توتنهام << تراها للأمانة طلعت ثمانية مهوب تسعة ... افرحوا طاح منكم هدف

كاتب الرسالة الأصلية الغريب
وعلى فكرة ما يشرفني للأسف إني أسجل في منتدى العالمي

وذلك لخروج الكثير من الأعضاء عن الأخلاق وحتى البعض منهم يتعدون حدود الدين .

8
8
عرفت الحين ليه أقول لك لا تعصّب ..

وبعدين تبي تقنعني إن منتديات الهلال .. أو أي من الأندية الثانية ما فيها حش وقلة أدب :بفكر:

كاتب الرسالة الأصلية الغريب

كنت أجلس مع مجموعة من الشباب لنشاهد القرعة ( البطولة العربية )

وسمعنا كلمة الشيخ صالح كامل

وقال ذلك النصراوي ( أمحق من شيخ ) أجل كل من معة فلوس صار شيخ

الله يذكر الشيوخ والمطاوعة بالخير .

وقبلها كان ذلك النصراوي يعلق كثيراً على موضوع منصور البلوي

ويقول ليه ألحين ذا التفخ يقولون عنه شيخ ؟؟؟

8
8
أموت واعرف من صديقك النصرواي .. اللي يطلع لنا في كل مواضيعك ..
أغلب كتاباتك عن النصر تقيسها على خويك النصرواي ..
وبعدين لو قال خويك النصراوي الكلام هذا عن الشييييييخ صالح أو الشيييييخ منصور .. هل معنى هذا إنك تقيس وتعمم كلامه على كل النصراويين ؟!!!

بذكرك بسالفة منصور البلوي في القناة اللبنانية عندما استضافة برنامج ( قضية الأسبوع ) .. لاحظت من كان أكثر المتصلين اللي يسبون البلوي وينتقدونه ( كل متصل هلالي ما مدح البلوي أبداااا ) .. ليييييييييه ؟!!
وأنا على يقين إن اول جمهور يبي الاتحاد يطلع من البطولة العربية هم الهلاليين .. أكثر من الأهلاويين .. !!

كاتب الرسالة الأصلية الغريب

ألحين النصراويين كلهم مبسوطين من هزيمة الهلال لأنه هلال وإلا مبسوطين

من كثر الزعل إلي فيهم ؟؟؟؟؟؟

على العموم أبشركم الهلاليين كلهم بخير وصحة وروحهم المعنوية عالية

ولم يتوفى أحد كما حدث لجارنا فريق النصر :تصفير:

والله فرحة النصراويين .. ما تعادل فرحة الهلاليين بهزيمته أمام نيسان .. والدليل إنكم إلى الآن تذكرونها زييييييين ... ولا تذكرون بطولات النصر المسلوبة
أكثر شئ يقهرني هو كلام البراءة .. مثل اللي يقول ليه النصر يفرح بفضيحة الهلال .. مع العلم إنه نفس شعور الهلاليين عندما ينهزم النصر أو حتى يتعادل مع الوحدة !!

أما ما توفّى احد ... أعتقد إنه ما طلعت إحصائية بعدد الخسائر في الأرواح بعد فضيحة الشارقة !!

كاتب الرسالة الأصلية الغريب
على العموم السنة الجاية ( إن الله أحيانا ) راح نشوفكم

ولتكن هزائم الهلال المصدر الوحيد لأفراحكم

خذوا القلم والورقة ودونوا عدد خسائر الهلال

فهي بطولاتكم القادمة

والإنسان في هالدنيا وش يدوّر على غير اللي يفرحه ويوسّع صدره ...

بس ما أعجبتني نظرة التشاؤم عندك للمستقبل الهلالي .. الهلال أقوى من كذا .. بس ما كلّ مرة تسلم الجرّة .. ولا كل مباراة فيها أبو زندة :p

أتمنى إني ما أكون ضايقت بردي .. ولكن الرياضة سعة صدر ..
وارجع لنصيحتي لكل هلالي .. علشان يروّق وينسى إن الهوى شرقي

تحياتي

سهم المنايا

[عـادل التميمي]

:D :D :D

<====== تمدد ضحك

طيب من وين تحب أبدء في الرد ؟؟

خلنا من البداية ( عشان يتسلسل الرد )


أول شيء بخصوص السلنتح ( وأنا أقصد إلي حول رئيس أي نادي )

يجي ويسوي فيها زحمة وهو من جنبها سواء النصر أو أي فريق ثاني

وكلمة سلنتح معناها واضح ( وأنا سهلت لكم التشبية لا أكثر )

--------

سالفة الأعذار !!

طيب ألحين قلنا شيء عن الخمسة الشرقاوية ؟؟؟؟

بالعكس إحنا ما أنكرناها بس مستغرب ليش فرحانين مع إن الفرق ثلاث أهداف فقط

بعكس مباراتكم مع الشباب فرق خمس أهداف وما أدري هل هزيمة الهلال أسوء من هزيمة النصر ؟؟؟

بالنسبة لي أنا نعم أسوء لأن الهلال يهمني كثيراً

ولكن لو أتينا للأرقام ستجد كارثة الشباب أكبر من كارثة الشارقة

----------------

طيب وصلنا للمنتديات ( سواء الزعيم أو العالمي )

أخي العزيز سهم المنايا

هل زرت في يوم من الأيام منتدى العالمي ؟؟؟

هل زرت منتدى الزعيم ؟؟؟

على فكرة أخوي سهم أنا كتبت إني ما سجلت لا في زعيم ولا عالمي

وللمعلومية فقط

الكثير من الأعضاء يشتمون لدرجة ( التكفير ) وأنا لا يشرفني أن أنضم لهم

وهذة دعوة مني موجهة لك وأرجوك وبكل أمانة أن تكتب ما تراة في هذة المنتديات

الأربعة ( الزعيم - العالمي - الأهلي - الإتحاد )

أرجوك أن تكتب وبكل صدق ما تراة

لأني قرأت أنواع الشتائم والمطالبة بضرب أحد الحكام

كما قام أحد الأعضاء بوصف منزل أحد الحكام وسيارتة وحتى رقم اللوحة

ليس هذا فقط

بل بعض الجماهير تتهم مشجعي النادي المنافس بكلام لا يقولة عاقل

( الهلاليين يهود ) أسألك بالله مثل هذا الرد يشجعك إنك تنضم معهم ؟

والمصيبة بأن هذة الشتائم بمباركة المشرفين والإدارة !!!

أنتظر جولتك

-----------------------

بطولات النصر المسلوبة ؟؟!!

على فكرة هذا كلام مين ؟؟؟؟؟

الرمز ( رئيس النصر سابقاً )

طبعاً هو قال كلام كثير لكن الواقع يختلف كثيراً

ولو كانت مسلوبة فعلاً ( مب خرطي ) أين الإتحاد السعودي من هذة البطولات ؟


الضحايا ( أعتقد بأن الإحصائية طلعت اليوم الثاني بدليل الجوالات مقفلة ) :تصفير:

--------------------------------


تحياتي وعلى فكرة اليوم عينكم على المباراة

مو حب في الأهلي ( إلي طلعكم من دور الأربعة ) ولكن حقد وكره للهلال

الغريب :اموه:

[بحار الخليج]

يالله يارب يستقيل

[مفرح بن مناحي]

الغريب كان ودي أرد ..

بس بعد خمسة الأهلي ما عندي كلام أقوله ...

إن شاء الله بعد خمسسسسسسسسة أيام سأكتب في كل نقطة ذكرتها موضوع ولا يهمك .. وأتركك الآن لتستمتع بهدف كيم الخراااااافي ..

تحياتي

وصورة مع التحية لك ولعشق ليل