[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ياسالكن مثلي قشار المساليك=ياللي خذيت بساحة الحب فره
انا ترى قبلك بدرب التهاليك=شربت كاس الحب حلوه ومره
كم قلتله يازين عيني تراعيك=وانشد عن اخبارك عساك بمسره
من وين ماقفيت قلبي يخاويك=قلبي على كيفك وبمرك تفره
ياماتمنيتك بجنبي واحاكيك=نسرح مع القمراء نعد المجره
نسلى ونضحك بين هاذي وهاذيك=واصير لك تلفاز وانته زرره
وياما سفهت العاذل اللي حكى فيك=العاذل اللي جاب شره يجره
وافز لامن جابو الناس طاريك=واسرح مع الهاجوس وارجع واكره
ياعاشق الهجران ربي يجازيك=ليتك تذوق الحب لو بس مره
عشان تعرف من قبل كان شاريك=ويجيبك الوالي لعندي تشره
لاكن حظي ساعيلك ويعطيك=يعطيك من خيره ويكفيك شره
هاذي هي الدنيا تعقد مجاريك=غصبن على عينك بدمعن تدره
[/poem]