[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سألني مقدي عن علومي وش الي صار=عن الوضع بالتفصيل قلي وش الدبره
نسا ما مضالي من زمن وشهي الأخبار=وخيم على بعض الاقاويل بالعبره
انا اقوم بالأسباب مدري عن الأقدار=ولا اخاوي الا واحدٍ طايلٍ شبره
معي يالسنافي حلها واستخر واختار=يا درب الحقيقه يا طريقٍ لك تخبره
انا اعز نفسي ما ابتلش بين غار ونار=وكلٍ وله فكره وكلٍ وله خبره
مقنع برزقي لو غدوا صحبتي تجار=كذا عايشٍ مرتاح والنفس معتبره
اكابر على نفسي وذي عادة الصبار=والإنسان مهما كان ما خيبه صبره
لو ان الزمن غلاب وايض الزمن دوار=ما خيبت ظن ولا تماديت في كبره
اشد الرحال بدار واسلا واعود لدار=ولا احسب حساب الهم صغره ولا كبره
يا ذيبان لا تشره علي واخبرك عذار=كسير العظم ما فاد في كسرته جبره
آصيح بعالي الصوت ما فزع لي مغوار=كتبت وبقا خط القلم ما أمحا حبره
اعنز على شرواك وابحث عن الأشوار=وادور على السكين لأجل اقطع الهبره
يا تجره بلا تاجر وسلعه بلا سمسار=دواهي تجاجير البلد فيك معتبره[/poem]
رد مع اقتباس
