كل واحد يقلنا وش في غرفته الخاصة

[مجروح]

قبل فترة اختنا المبدعة مجروحة الزمن

طالعتنا بموضوع وش في سيارتك

اليوم الفكرة انك تعلمنا وش في غرفتك من متلزمات ضرورية وغير ضرورية

واذا كان هناك صورة تكون ابلغ في التعبير

هاااااااااااااااااااااااا ه مستعدين


يلا كل واحد يقلنا وش في غرفته

بس للمعلومية اكثر من اثنين ما نقبل !


:p :p

[بحرالشوق]

في غرفتي كل شي يخصني وأهم شي الكمبيوتر والتليفون









بحرالشوق

[مجروح]

بحر الاجابه الزحلوقي هذي ما تنفع


نبي نعرف حتى كم قلم بغرفتك وكم كتاب ودفتر


يلا بلا كسل

[ابتهال]

انا بغرفتي هاااه
هييييييييييه
اغراضي:p

[مجروحة الزمن]

يا شين اللي يقلدوم :p


امزح

انا صراحه لو بعدد شو بغرفتي مابخلص لين باجر الصبح

من كثر الزحمه اللي بغرفتي مافي مكان امشي فيه :)


بس اهم شي بغرفتي انا

[ضحية صمت]

غرفتي........ والله مسكينه كاسره خاطري

احس انها شوي وتنبط من كثر الاغراض

والمشكله كل ما ازيد اليرارات في الدار تزيد الاغراض

مادري وين اوديهم:(

والله زين منها متحملتني ليلحين :biggrin2:

يسلمووووووووووو مجروح على الموضوع


ضحية صمت

[لي طب۶ي الخاآاآص]

بكره اقولكم بروح اسوي تقرير عن الموجود ؟؟؟

[مفرح بن مناحي]

الأيام هذي ما عندي غرفة خاصة للأسف .. ارقد بالمقلط

وإذا تبي اذكر لك وش في المقلط .. بذكرك لك

حاط لي مطرحة ومخدة وكنبل ..

والحذيان بكل أنواعها محذوفة في الزوايا ..طبعا مقاييس الحذيان تختلف وحدة مقاس 40 ووحدة 46 ووحدة 39,50 لأني رجلي أحيان تكبر وأحيان تصير قد رجل النملة :)

والثياب معلقة جنب الستارة << على باله إنه عزابي

وساعة خراش .. ما استخدمها بس عن قولة ما عندي ساعة

وشاحن جوال جنب راسي .. مع إني ما عندي فيش خط 220 بس حاطه كشخة

وفيه صرصور محنطه على الجدار وجنبه حذيان .. حتى يكون عبرة لأي صرصور ينوي يقرب من فراشي ..

وطبعاً أهم شئ يكون عند المخدة قلم أخضر ( لا تسألون ليه ) وكم ورقة .. علشان لو طرى علي بيت شعر اكتبه على طول ولا أموت بحسرتي إنه طااااااار من راسي :برافو: << عادي واحد ويشّجع نفسه

وخلااااااااص




إيه بغيت انسى

لازم يكون عندي في المقلط .. جركل موية وكوب .. علشان لو قمت من النوم بعد حلم مرعب أشرب لي جغمة ماء << متأثر بالأفلام الصومالية


ومشكور على موضوعك

تحياتي


سهم المنايا

[بحرالشوق]

أجل أنا كسلانه ياالمجروح
ولايهمك بقول اللي في غرفتي

قطي توتو وأنا تبي شي زياده آمر وتدلل :p :p :p :p :p
ههههههههههههههههههههههههه ههههههههههههه

[أبوعبدالرحمن]

اممممممممممم

بقول لكم من اليمين لليسار


اول شيء صوري على كل الجدران عشان افرض سيطرتي على الغرفة


اللاب توووووووب على السرير

عشا البارح لازم يكون عشان اعرف وش تعشيت البارح ولا ارجع اكل نفس النوع اليوم

درزن امشاط << ابووك يالجمع

عدد لا باس به من كريمات البشرة

مكينة حلاقة

حفايظ حمودي

سيكل دحومي + طواقي دحومي << ماتمسك معه يلعب غير في غرفتي

سيف هديه من سهيمان

ثلاجة شاي

خلاقيني منثره في كل مكان

البومات صور

جواز الشغالة واقامتها

شهادات شكر


عطر من بدوووري


لوحات من رسوماتي محد قبلها مني هديه ولا اشتراها

دواوين شعر + قصص بوليسية + كتب طبخ + عدد لا بأس به من مجلة ماجد للوراعين

عدد كبير من المرايات << فيه شوفة نفس











وانا موجود هناك دايم

[ميـ1ــمونـــه]

انا مؤدبه جدا وملتزمه بكلام صاحب الموضوع <<< على بالها في مدرسه

وعلشان كذا بقولكم الاشياء اللي في غرفتي بالتفصيل الممل

اول شي واهم شي بالغرفه كمبيوتري على المكتب <<<اجل قالوا لك على طاوله طعام ههههههه


وفي غرفتي سرير نومي اللي احيانا يصير مهجووور لاني ما احب انام عليه اشيل فراشي وانزل بالارض ههههههههههههه عربجيه

وش بعد ياربي

ايه تذكرت فيه دولابي (خزانة ملابسي) والدولاب فيه ملابسي :p

وفيه تسريحتي اللي مليانه عطورااااااات وما استخدم منها الا واحد بس

وفي الكمودينات اللي تحولت الى مكتب دراسي كل كتبي ودفاتري منطوله فيها الله لايبلانا <<<< هههههههه علمي نفسك

وفيه بعد الستاير ولونها وردي

[ناصر]

طبعاً بغرفتنا لانا عشره قاطين فيها ابدا من اليمين

دولاب معلقه عليه الف ثوب والله يستر من اللي داخل الدولاب

شسمه مقططه قراطيس المغسله ولا الف معلاقه وقراطيس

ووو مشطين لحظه ابي اروح اشوف لقيت مجنونها منسدح وابو نوال عيونه تلاقط

لقيت جل مادري حق مين وعلوك وكم ملف علاقي وجرايد و

======

انا مؤدبه جدا وملتزمه بكلام صاحب الموضوع <<< على بالها في مدرسه

وعلشان كذا بقولكم الاشياء اللي في غرفتي بالتفصيل الممل

اول شي واهم شي بالغرفه كمبيوتري على المكتب <<<اجل قالوا لك على طاوله طعام ههههههه


وفي غرفتي سرير نومي اللي احيانا يصير مهجووور لاني ما احب انام عليه اشيل فراشي وانزل بالارض ههههههههههههه عربجيه

وش بعد ياربي

ايه تذكرت فيه دولابي (خزانة ملابسي) والدولاب فيه ملابسي

وفيه تسريحتي اللي مليانه عطورااااااات وما استخدم منها الا واحد بس

وفي الكمودينات اللي تحولت الى مكتب دراسي كل كتبي ودفاتري منطوله فيها الله لايبلانا <<<< هههههههه علمي نفسك

وفيه بعد الستاير ولونها وردي

مو مصدقه الاخت الحمد لله والشكر

[مخاوف قلب]

وش تبون بغرفتي ؟


لقافه :p




انا غرفتي اهم شي شنطه للسفر لاني مااقعد بمكان <<< رحاله



:p


اقول بس لما يصير لي غرفه مثل الخلق اجيكم :تصفير:



<<<< مدرسه مشتته بين منطقتين تبون لها غرفه مثل العالم ؟؟


مااظن :o




صي يوووو جتني العبره :تصفير:

[مجروح]

ابتهال

وين البقية :(



مجروحة
ولا يهمك قاعدين ننتظر فضايح غرفتك :تصفير:



ضحية صمت
احنا عاوزين الزبده
يلا تحجي :o



الامبراطور
إنت أول رهيييييييييييييييييب
:اموه:




وسن
روغان ما يبيلها :تصفير:



سهم المنايا

عشرة/ عشرة
تستاهل هدية الصرقعة من حسحس




بحر الشوق
مو كافي ...نبي أزود :بفكر: :بفكر:




عشق ليل
أنا إلى ألحين مدري أشلون باقي
ماسك أعصابك وما أنهبلت:D



ميمونه
تصدقين جاء على بالي إن دولاب ملابسك
مسويته غرفة تعذيب حق أخوانك
إللي ما يقعد عاقل تحبسينه إنفرادي

بس اللون الزهري مسكت




ناااااااااااااااااااااااا ااااصر
قلنا أكثر من أثنين ما نقبل
ايه ...الزحمة ...ونفتك من كل واحد يقول خذا حقي وهذا لي مو لك




مخمخ
الله أكبر يابنت بطوطه
كلها كراس تحضير وش شنطته ....وين بقية العده ؟




حبااااااااااااااااااااااا ايبي
الف شكر لتفاعلكم

[بدر]

[align=center]

عطر من بدوووري

زين عشق ليل ... لو ماقلت كان تفاهمت معك ......





فيه عندي غرفتين . وحده بالبيت . ووحده بالشقه .


باقول لكم عن اللي بالبيت .


طبعا غرفتي بالملحق ..

طبعا فيها سرير دبل .. بس مافيه إلا انا اتسدح في ذاك بلحالي ..

مكيف سامسونج . ريموت .

<=== زول مافيه حيل يشغل ويطفي كلوو بالريموت :)

كان ( لاحظ كان ) عندي استيريو وكمبيوتر وثلاجة صغنونه فيها انواع المشروبات .

طبعا مافيه مشروبات روحيه . الله لايبلانا .:)

الثلاجه فيها عشرطعش آيس تي ... وحلى( كندر ) وماء وبباسي وكل مايخطر على بالك .

صورة لماجد عبدالله وفهد الهريفي وزيدان ونادي النصر وريال مدريد .

والظاهر إن عندي صوره للغريب مع جماهير الهلال .خخخخخخ

شاحن مدري وش يبي من الدنيا . ملوى وملفوف لين دايخ ...

سماعة جوال .. <<== لزوم المكالمات الخطيرونه :).

انواع العطور بعضها خايس لو اتطيب منه طلعت بقع صفراء على ثوبي :)

عندي بشت حقت التخرج مسوي معلقها للذكريات .<== فاضي .

ستة دواليب .. خمسة منها تعليق وواحد تطبيق ..<== تحسون راع بيت :)

والخمسة كلها ثياب . من جد والله يافيه يمني بالسوق حق الخرج . قسم بالله الظاهر مو فاتح إلا بسببي .. ماغير افصل عنده .

اقلام ومذكرات... ابكات دخان .. جزم ونعال ( الله يعزكم ) ...

صورة لي مع بعير بالثمامه . تفشلت فشيله الله اعلم بها .

باقول لكم سالفته .
هذا مره كنا انا والشباب طالعين الثمامه .. ورحنا لحوش الامير عبدالعزيز بن فهد بالثمامه .. يقولون هناك بعارين بسنامين .. قلنا خلونا نروح نشوفهن .

انا تنحت إلا اتصور معهم .. باوريهم اهلي واخواني .

وكنت لابس ثوب شتوي بني محمر .. وشفت لك بعير نفس لون ثوبي . وطقيت لكم كم صوره معه .. وكبرتها ولزقت ابوها بالجدار عندي ..:)

<<== حركات مادري وش تبي ..:)


........................

الغرفة اللي بالشقة .

الله لايوريكم . من جد .. تححححححححححفه .

طبعا بالشقه مالي غرفة معينه .. مره بوحده من الغرف اللي داخل ومره بالمجلس .. يعني على حسب المزاج .

طبعا بغرفتي فيه ثلاثة اسره . واحد لي وواحد لحبيبي قلبي ناصر ..

والثالث لبندووووري ..

سريري مرتبته سليب هاي .. <<== ماغير يطامر عليها .

لحاف ومخده ومخده صغنونه ( ياقلبي عليها احب ذالمخده موووووووووووووووووووووووو وووووووووووووووووت ) لون الفرش حقي خمري ..

دواليب فيها مليوووووووووووون ثوب . .. . وعطورات الدنيا ..

جل + كريم + شامبو + معطر جسم + شماغين وغترة ..


فيه ادراج فيها بلاوي زرقاء . يعرفونها بعض الناس :)...


وفيه بعد درج .. . ياقلبي عليه . تصدون إن قلبي فيه ..

ماتصدقون صح . :)

دااااااااااااااااااااري :)


وطبعا من ضمن اغراض الغرفة ابو نوال فاق خشته بس بالغرفة الثانية .. منسدح فيذاك . على بطنه . .. .


كمبيوتر .. وانواع الجوالات .. وشواحن .. وطفايات الدخان.



طبعا بجنب سرير .. عشرين بكت ( كارلوتون ) .. وطفايه . عشان امخمخ من جد .







واي اسئلة انا جاهز


**ملاحظه .
طبعا ماقلت لكم كل اللي بالغرفتين . بس إذا تبوني اهذر والله مااسكت لبكره .


بدوووووووووري[/align]