مساؤكم شعر /
[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لا شك ما كل القصايد .... " قصايد "= والشعر ما كل القرايح تجيده
أحيان به شاعر يجيب الفرايد = وأحيان به شاعر قصيده .. ( عصيده ) .. !!
بعض القصايد مثل صف القلايد =كنّ الزمن يزهابها فوق جيده
ما كنها ألا بنك يعطي فوايد =لا مرّت الجمهور زادت رصيده
والشاعر اللي يجيب له بيت كايد =يعيش مع مر السنين المديده
يموت راع البيت .. والبيت سايد =بين العرب يفخر .. ببيته .. حفيده
واللي طموحه بس نشر الجرايد =وينشر عشان يقال هذا جديده
شعره مع الأيام لا شك بايد =ويضيع لا منّا حذفنا الجريده .. !!
الشعر معنى .. والمعاني فوايد =مضبوط وزنه .. والقوافي فريده
إذا شهد لك في قصيدك محايد =منتب صحيبٍ له ولانتب عضيده
فاعرف ترى شعرك عن الغير نايد =يعني تسمّى فالقوافي ( وليده )
ترى الفخر ما هو بكثر القصايد =الفـَخْـر في بيت ٍ يعادل قصيده
[/poem]
....
وسلامتكم
....
رد مع اقتباس
المشاركة الأصلية كتبت بواسطة مفرح بن مناحي
